إلى الرجال الرجــــــــال ..... موضوع للنقاش الزوجية

عنوان الموضوع : إلى الرجال الرجــــــــال ..... موضوع للنقاش الزوجية
مقدم من طرف منتديات العندليب

السلام عليكم و رحمة الله و بركاته ....

موضوعي يقول ...

من قال ان اصلاح المجتمع بيد المرأة فقط فقد كذب .... هذه بداية

تمنيت لو أن كل رجال العصر يسمعون و يقرؤون موضوعي .... لانهم ببساطة

هم سبب ما تعيشه الفتيات الآن ...

أتعلمون ما الفرق بين الماضي و الحاضر .... سابقا كان الفتى يتزوج من اجل بيت

و اسرة و اولاد ... كان له كبير يسمع كلامه أب أو أم فتختار له حسب سمعة العائلة

و حسب الروابط فيقبل دون اعتراض و لا يرى زوجته الا يوم الخميس ... و احيانا تكون

غير مقبولة تماما لكن يقنع و يصبر بل الاكثر من ذلك يموت دون ان يخون او يتزوج عليها

و سمعت باذني قصص العديد من النساء قالوا لو كنا في هذا الزمان لما تزوجنا

والله العظيم اصادف احيانا امهات أقول سبحان الله حكمة الخالق فتجدها عمّرت و انتجت

بل اسست اسرة و كانت الحياة رائعة و جميلة

اما شاب اليوم فيبحث عن مقومات و تجده يسافر و يقطع البحور بحثا عن بيضاء بياض الثلج

و طويلة طول الزرافة و فمها خاتم و انفها شامخ و عيونها كبيرة ووووو و تجدها ينقي

من الالاف حتى يحصل على واحدة ..... لا يهمه اي شيء غير المتعة و اشباع الغريزة


نصيحة لكم اذا اردتم صلاح المجتمع كونوا كما كان آباءكم ... فكم من فتاة تبرجت لاجل

كسب رضاكم و كم فتاة سمحت في شرفها فقط خوفا من هجرانكم و كم فتاة قاطعت اهلها

فقط لتكسب رضاكم .... بالرغم من اني ضد هذا لكني اشفق عليهن

بالمقابل كم من فتاة تحجبت لاجل رجل و كم من فتاة اسلمت لاجل رجل و كم كم كم ..........


تحيتي للجميع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نقولك حاجة اختي المسؤولية يتحملوها للزوج وانا نقولك بصراحة والله العظيم شفتهم بعينيا اللي ياكلهم الدود يديمونديو في الرجال ، ويفتنو فيهم بلباس الكشفة والتبهدايل، ياك قاع نعرفوا بلي الراجل صعيف وكاين بنات يستغلوا هذه النقطة ورانا نشوفو بعينينا، وثاني الراجل ماعندي مانقول فيه ماشاء الله اخلاق وعفة خخخخخخ حاشا البعض قاع مايقولش لااااااااااااااااااااا لو كان يمسخه ويغسلها غسيل الدوارة والله ماتعاودها وتحشم على روحها، وثاني كاين رجال ذئااااااااب يدوخها بزوج كلمات حب سيختو كلمة ندير معاك الدار وحبة حبة يطيحو في الحرام، انا نقول حاجة اذا كانو للزوج واعيين راهم يتحملو المسؤولية، بصح اذا حشاوهالهم كيما رانا نشوفو وحدة يخدروها وواحد يسحروه نقولو حسبنا الله ونعم الوكيل
واسمحيلي رديت على موضوعك
نسيت نقولك حاجة رجعوا يخطبو ويعقدوا ويقوللها ياك انت زوجتي ، ويديرها بيها من بعد يقوللها انت الفوتيف انت طلقتي روحك ويخليها.
والسوسة الكبييييييييييييييييييييييييييييييرة هي فيروس العلاقة يقولك وتقولك لوكان مانديرش مانتزوجش وهو يقول كيفاش نتزوج بلا مانعرفها، نساو بلي الخطبة هي للتعارف واللي ينوي الحلال جامي يخيب، هالعقلية تاع غوادالوبي وكاساندرا ولميس وين وصلونا،الزواااااااااااااااااااااج مكتووووووووووووب مايدخل فيه لا أنا ولا انت الواحد يعيش بنيته ويقوي ايمانه بالله وهي فراااااااااااااااااات
اسمحيلي اختي رديت على موضوعك علابالي للرجال، ديريني راجل وصايي ههههههههههههههههههه سلاااااااااااام معبق بأريج الجنة
ربي ينجينا

__________________________________________________ __________

>>>> الرد الثاني :

المشاركة الأصلية كتبت بواسطة جسر الأمل https://3andlib.xplainer.net/images/...s/viewpost.gif نقولك حاجة اختي المسؤولية يتحملوها للزوج وانا نقولك بصراحة والله العظيم شفتهم بعينيا .................. على موضوعك علابالي للرجال، ديريني راجل وصايي ههههههههههههههههههه سلاااااااااااام معبق بأريج الجنة ربي ينجينا

اهليييييييييييييييييين و سهلين و مرحبتين
انت جديدة هنا ؟؟؟؟

__________________________________________________ __________

>>>> الرد الثالث :

هههههههههههه هو العنوان للرجال بصح النقاش للجميع و كلامك صحيح ربي يسترك يا رب

__________________________________________________ __________

>>>> الرد الرابع :

موضوعك كل صحيح و واقعي اختي.فقط اريد ان اضيف انه في القديم مش غير الرجال الي كانو يخيرولهم والديهم الزوجة و لكن حتى الفتيات كانو يزوجوهم والديهم و مايشفوش ازواجهم الا ليلة الدخلة و افضل مثال على دلك امي و ابي

__________________________________________________ __________

>>>> الرد الخامس :

المشاركة الأصلية كتبت بواسطة sam000 https://3andlib.xplainer.net/images/...s/viewpost.gif موضوعك كل صحيح و واقعي اختي.فقط اريد ان اضيف انه في القديم مش غير الرجال الي كانو يخيرولهم والديهم الزوجة و لكن حتى الفتيات كانو يزوجوهم والديهم و مايشفوش ازواجهم الا ليلة الدخلة و افضل مثال على دلك امي و ابي

صح انا لم اذكر البنات لانها اساسا كانت تنتظر فقط نصيبها

اما الرجل هو من يختار