لماذا هذا السلوك من بعض المخطوبات !!! ف الحياة الزوجية
عنوان الموضوع : لماذا هذا السلوك من بعض المخطوبات !!! ف الحياة الزوجية
مقدم من طرف منتديات العندليب
السلام عليكم
تجد بعض النساء خلال فترة خطبتهن يتصرفن بسلوك منظم وخالي من الأخطاء – سلوك منافق -،
فيظهرن بوجه الطائعات الصالحات، يقوللها ما تخرجيش بلا ما تقوليلي، تقولو حاضر،
لكن بمجرد أن يكتبو لكتاب ويفتحوا، سرعان ما تعود إلى طبيعتها, وما تحيرش فيه قاع
لماذا !!!!
هل لأنها دير في بالها خلاص ضمنت راجل في يديها،
لأن أغلب الرجال لا يستطيعون التراجع في هذه المرحلة،
لكن البعض من الرجال قد يتراجع ويفسخ الزواج (طلاق قبل البناء –الدخول-)
فهل يعتبر هذا السلوك سلوكا عاديا ؟؟
شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نعم هو سلوك عادي ، و لا يقتصر على الأنثى فقط بل الدكر أيضا ، هدا الأمر يقع خاصة للأشخاص الدين لم يسبق لهم التعارف الجيد قبل الخطبة أو الزواج .
__________________________________________________ __________
>>>> الرد الثاني :
و علاه عليهم هاذ التمثيل من الاول
امنية كل واحد انو يتزوج و يعيش مهني من بعد ماش باه يندم و لا تندم و يعيشو في صراع
يقولك الحب هو ان تتقبل الشخص بعيوبه و حسناته
انا نفضل نبين عيوبي قبل باه اذا تقبلهم اللهم بارك ما تقبلهمش كل واحد يروح في حالو
لازم كلشي يتبنى على الصح ماش على الهف
ربي يهدينا
__________________________________________________ __________
>>>> الرد الثالث :
انا في رايي التمثيل راهو يفرض روحو بالسيف قد تعارضونني لكني هدا الواقع ما نخبوش الشمس بالغربال النساء راهم يمثلو لان الرجال راهم يتشرطو بزاف وتقول في نفسها لازم نحكم راجل الله غالب هده هي حالت المجتمع وكاين تان رجال يمثلو ويبينو رواحم ومور الزواج تحصل الكارثة لانو كل شي يولي عالمكشوف علابيها رانا نسمعو بحلات الطلاق كل يوم ...........انا دايما نقول اخرج لربي عريان يكسيك علاش عليكم هاد الشي كامل؟؟؟ ليقبلك يقبلك بعيوبك ........شكرا على الطرح
__________________________________________________ __________
>>>> الرد الرابع :
الزواج مسرحية لمن ارادها كذلك فمن كان يبحث عن الثقة و الهناء الدائم صارح الطرف الاخر من البداية لانه بكل بساطة ينظر للزاج بعمق ليست تلك النظرة السطحية التي يرائ بها الناس و الشخص الذي معه
هي ظاهرة جد متفشية ثبتنا الله و اياكم .
__________________________________________________ __________
>>>> الرد الخامس :
هههههههههههه. صح كاينة منها خويا ....
