الرجل الذي ليس له كلمة مع أهله ف الحياة الزوجية

عنوان الموضوع : الرجل الذي ليس له كلمة مع أهله ف الحياة الزوجية
مقدم من طرف منتديات العندليب

السلام عليكم
والله اليوم سأروي لكم قصة حقيقية والله كي سمعت بيها جاتني كلي راني نتفرج على مسلسل مكسيكي
هذه القصة حقيقية وليست خيال والله العظيم
هذه قصة ابن عم زوجي
تزوج منذ عامين حملت زوجته بدأت القصة عندما كانت زوجته نافسة جاءه سفر بحكم العمل وتركها في البيت مع أمه و أخواته
عندما كان هو في البيت كانو يعاملنها معاملة حسنة لكن عندما سافر انقلب الوضع وقع شجار بينهم وإذا بهم يضربونها أخواته العوانس
وهي نافس قالت لها أمه هيا نديك عند اهلك تريحي شوية و ماتقوليش واش سرى راني بعد يومين نجي نديك
كي ولا رجلها قالهم وراهي لمرا وطفل قاتلو آمو رانا تهاوشنا وضربتني وعيطت لوالديها جاو داوها واهي طالب الطلاق هو ماحبش طول يفهم رفع عليها دعوة طلاق وماحوسش على ابنو وماسقساش عليه بعد مرور عدة أشهر قالولو الصح ولا هو حاب يرجعها قاتلو آمو والله كون ترجعها غير
اطردك من العمل وسكن و مراكش ابني .
هل هذه ام ولديها قلب ؟
هل تقبل ان يكبر ابنك يتيما إكراما لامك واخواتك العوانس ؟
عذار منكم هل هذا رجل يترك أهله يقررون مصيره ؟
شوفو ياإخواني ويا أخواتي وين لحقنا مصير عائلة بيد ام لاترحم حتى فلذة كبدها
أردت ان نناقش هذا الموضوع ونتبادل الآراء فيه وجزاكم الله كل خير .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

إنا لله وإنا إليه راجعون !!!
هاذوا ماكانش الرحمة في قلوبهم !
اللي يتصرف بهاذ الطريقة مادارش حساب للآخرة ...


حاليا راني مصدومة
خلي كي تتنحى شويا الصدمة نرجع بتعليقات أخرى تخدم القضية بشكل أكثر موضوعية !

__________________________________________________ __________

>>>> الرد الثاني :

بل مصير عائلة بيد رجل لا يدرك المعنى الحقيقي للرجولة
هاذي من الأسباب اللي خلت البنات كامل تشرط دار وحدها و يقلك لا راهي من الأول تكره دارنا

هذا داه النيف على دارهم و ما خافش ربي لي ظلم ولدو و بنت الناس ؟؟؟

ربي يسترنا و الله ما نلوم الأم نلوم هاداك لي جاب مرا سماها على اسمه على أساس انو راجل

__________________________________________________ __________

>>>> الرد الثالث :

نعم يا اختي هذا ليس مسلسلا بل حقيقة لان بنت الفاميلية لوكان تزوج في دار العائلة و يكونو انانيين ونقصين عقل اما تصبر و تعفس على قلبها و اما يطلقوها و عينها تشوف خصوصا اذا كان زوجها يخاف من والديه مشي يحترمهم يخافهم الله يهديهم
احيانا عائلة الزوج يحبو يزجو وليدهم من اجل اغراض انانية و منها يجيبو خدامة للدار تعس الدار وطيب و تغسل و يعتمدو عليها و العجوزة و الشيخ هما لي يحكمو فيها و زوجها فرحان لانو بار بوالديه من خلالها نهار البنت هذي تبدى تفطن او تكره من المعاناة تولي غير صالحة بالنسبة ليهم و تم يحاولو يربحو الوضع اما ترجع كيما كانت و اما تروح لدارهم

__________________________________________________ __________

>>>> الرد الرابع :

المشاركة الأصلية كتبت بواسطة ♪سٌموّها الشَامخ♔ https://3andlib.xplainer.net/images/...s/viewpost.gif إنا لله وإنا إليه راجعون !!! هاذوا ماكانش الرحمة في قلوبهم ! اللي يتصرف بهاذ الطريقة مادارش حساب للآخرة ... حاليا راني مصدومة خلي كي تتنحى شويا الصدمة نرجع بتعليقات أخرى تخدم القضية بشكل أكثر موضوعية !

الزواج مسؤولية عظيمة أمام الله سبحانه وتعالى
ليس مجرد أحلام وردية وبيت مليء بالأثاث البراق
الزوج مسؤول والزوجة مسؤولة
وإذا عاشت الزوجة مع أهل الزوج فهم أيضا تشملهم المسؤولية !
الكل مطالب بفقه التعامل وتقوى الله عز وجل
كيف عاملوها بهذه الطريقة البشعة دون خوف من الله ؟
وإلى أي حد بلغ بالزوج الجهل حتى يسارع إلى الطلاق متجاهلا السماع من الطرف الثاني !
وبأي قلب ترك طفله ولم يسأل عنه ؟
رجل متسرع كهذا لا يصلح لدور الزوج ولا يصلح لفتح أسرة إلا بعد إعادة تأهيله وتكوينه من جديد
إن لم أقل "إعادة تربيته "
ولا بد أن يوفر لزوجته سكنا خاصا مادام أهله متوحشين !
ولوكان كنت في بلاصة هاذ المرأة والله ما نرجع .



أسأل الله أن يصلح حالنا وحال المسلمين


وشكرا لك ِ

__________________________________________________ __________

>>>> الرد الخامس :

الحاجة لي ما فهمتهاش هاذي يماه واش من قلب عندها
هي وبناتها اين الخوف من ربي؟ اين محبتهم لابنهم؟ اين حسن العشرة وحسن التعامل؟
لازم الواحد في وقتنا يسقسي على عائلة الزوج مليح
ولتجنب هاذ المصائب لابد من الاستقلال ببيت خاص