احكولنا شوية على طوايش الاولاد الصغار لرعاية طفلك

عنوان الموضوع : احكولنا شوية على طوايش الاولاد الصغار لرعاية طفلك
مقدم من طرف منتديات العندليب

السلام عليكم ورحمة الله وبركاته
حياكم الله
حبيت ندير موضوع في منتدى احباب الله
واللي هو تحكولنا شوية على طوايش اولادكم ولا خاوتكم ولا ولاد الجوارين المهم اطفال
او تجيبولنا واش يديرو مثل رسومات رسموهم مضحكين ولا اكلات داروهم
ان شاء الله تتفاعلو مع الموضوع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههه موضوع جميل عن البراءة
بنتي ذاك النهار كلات دورو صغير وربي سترها فات من بعد خرج
ثان كانت تلعب بالكرسي تاعها صغير ودخلت الطرف تاع اليد فيه كما الشباك في فمها ولصق بين فكها السفلي والعلوي
جات تجري والكرسي لاصق في فمها ومفتوووح ع الاخر وبالسيف نحاهلها ابوها
اختي مرة لما كانت صغير راحت تلعب بالعصا تاع ليزيقوي الي ينسجو بيه الصوف وطاحت عليه ودخللها في اللهاث تاعها اي الجهة العلوية من الفم من الداخل جات تعيط
والليزيقوي لاصق في فهما والدم يسيل ربي ستها ماثقبلهاش الجهة الي فوق وتبدا تهدر عقونة لا قدر الله
ومرة كنت نلعب انا وخويا واختي الصغير راح خويا رفد الصغيرة وهو راقد وحطها على راسو قاتلو نزلني راني رايحة للتوالات مي هو عندبالو تحوس برك تهرب
ماعيات فيه ماخلاهاش حتى بالت على راسو هههه
هذا واش تفكرت

__________________________________________________ __________

>>>> الرد الثاني :

ههههههههههههــــــ التالية تقتل بالضحك
قدر الله وماشاء الله فعل
بارك الله فيك خيتو

المشاركة الأصلية كتبت بواسطة ام رحوقة https://3andlib.xplainer.net/images/...s/viewpost.gif ههه موضوع جميل عن البراءة بنتي ذاك النهار كلات دورو صغير وربي سترها فات من بعد خرج ثان كانت تلعب بالكرسي تاعها صغير ودخلت الطرف تاع اليد فيه كما الشباك في فمها ولصق بين فكها السفلي والعلوي جات تجري والكرسي لاصق في فمها ومفتوووح ع الاخر وبالسيف نحاهلها ابوها اختي مرة لما كانت صغير راحت تلعب بالعصا تاع ليزيقوي الي ينسجو بيه الصوف وطاحت عليه ودخللها في اللهاث تاعها اي الجهة العلوية من الفم من الداخل جات تعيط والليزيقوي لاصق في فهما والدم يسيل ربي ستها ماثقبلهاش الجهة الي فوق وتبدا تهدر عقونة لا قدر الله ومرة كنت نلعب انا وخويا واختي الصغير راح خويا رفد الصغيرة وهو راقد وحطها على راسو قاتلو نزلني راني رايحة للتوالات مي هو عندبالو تحوس برك تهرب ماعيات فيه ماخلاهاش حتى بالت على راسو هههه هذا واش تفكرت

__________________________________________________ __________

>>>> الرد الثالث :

السلام عليكم ورحمة الله وبركاته
نحكيلكم على الصغيرة نتاعنا في الدار
المهم مرة اسرينا على بابا باش يخرجنا نشرو ملابس قالنا نديكم ان شاء الله بشرط حاجة ماتبانش منكم وحتى اختكم الصغيرة لبسولها جلباب
اختى الصغيرة عندها 4 سنين
لبسنا ورحنا
هبطنا بابا في الحانوت كانو صحابو رحنا حنا نشوفو واش ندو وبابا راح عند صحابو مجمه معاهم
واختى الصغيرة قاعدة الناس ايسلمو عليها
غيرتهم كي كانت بالجلباب
والحانوت كان معمر ماشاء الله بالغاشي
ايوه حوسنا على اختى القيناها في وسط مجموعة من النساء وصحاب بابا يخزرو فيها قاعدة تشطح زعما كيما صحاب الراب
وتغنى في هادي الغنية
احنا صحاب الراب ناكلو التراب
الفيستا محلولة
السروال مثقوب مكان والو في الجيب الخدمة ربي يجيب
بابا ماصاب حشم واحد الحشمة من صحبو ماصاب وين يدخل
زعما هو باللحية واحنا الكل بالجلباب وحتى اختى الصغيرة كانت لابسة جلباب
وتغنى وتشطح
دارو قاع بيها اللي في الحانوت وقعدو يضحكو
وكي سقساها بابا وين جبتى هادي وشكون علمك هاكدا
قاتلو من برى
الحمد لله اللي ماقتلهاش بابا

__________________________________________________ __________

>>>> الرد الرابع :

انا بن خالي صغير عمرو 3 سنوات واعر تاع الصح حكمو خالي في رمضان عطالو طريحة تاع الصح بدا يبكي نصف ساعة وهو يبكي خالي قالنا قلت من هاذي يعقال ..................كي بقات ربع ساعة على اذان المغرب رفع فردة تاع حذاء ورماها في القدرة تاع الشربة هههه..................وخالي مستحيييييييييييل يفطر بلا شربة ...................قتلنا بالضحك ذاك النهار ولى الطفل هارب وطاير عقابو خالي وامه تفك عليه لان خالي فقد اعصابه .................جانا خالي هند الفطور قالنا نفطر معاكم وحكانا الحكاية انا تقطعت بالضحك ماقدرتش نضحك ههههه

__________________________________________________ __________

>>>> الرد الخامس :

نحيلكم على روحي كي دخلت الابتدائي دخلت للقسم لقيت معلمة تقري فينا بدات الانسة تطرح في الاسئلة والاولاد يشاركو يقولو انسة انسة انييييييييسة ..........انا نحسبهم يقولو عانسة عانسة عنييييييييييسة .........هوما كي سكتو انا نضت كي الشاطر وحدي في القسم عانسة عانسة عنييييييييسة ضربتني بكف وخرجتني من القسم مافهمت والو هي دارت عليا وانا عمري 5 سنوات لانها كانت عانسة لم تتزوج بعد ..........انا فهمتها كي دخلت الاكمالية فقط ................المهم ولات تكرهني ومبعد ولات تحبني وانا ثاني وكنت نروح للمنزل تاعها نرسمو عندها رسومات هههه وهي تموت من الضحك من رسوماتنا