دود من بطن ابني

عنوان الموضوع : دود من بطن ابني
مقدم من طرف منتديات العندليب

والله شئ ادهشني كثيرا حابيت نحكي معاكم و نتشاورو
انا ولدي عمره عام و 9 أشهر ياكل الحلويات بصفة يومية منين يخرجو عمه ولا ابوه او احد يجيبو معمر حلوى المهم البارح اكل الرمان انا نقشر و نمدله الله يبارك كلا تقريبا كعبة كاملة و الصباح كي ناض من النوم ناض يسعل مديتله مغرف زيت الضرو شرب شوي و في منتصف النهار يقولي "ماما نحيلي ديدي كاكا" اعزكم الله
كي رحت غسلتله جيت نشوف لاكوش حاشاكم لقيتها معمرة دود رقيق أبيض تشوكيت
قولولي وواش نديرلو نزيد نشربلو الزيت ولا نديه للطبيب و لا نخليه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا لا اختي متخليهش ايديه لطبيب يعطيلو واحد السيرو مليح ليه ...ربي يشفيه عن قريب ...حاولي تنقصيلو من الحلويات ...كيما يقولو احسن الامور اوسطها

__________________________________________________ __________

>>>> الرد الثاني :

السلام عليكم
اختي الكريمة ماتتقلقي ما والي هذا شيء عادي عند الأطفال خاصة اصحاب الحلويات انا لم امر بهذه التجربة لحد الآن لأنو ولادي مايكلوش الحلوى قليل لكن دائما اولاد خويا كان عندهم يوجد دواء الأعشاب ولكن افضل دواء الطبيب يمكنك اخذه الى طبيب الأطفال فيه دواء لهذا الدود وامنعي عنه الحلويات تماما وعوضيها بالفاكهة ربي يجيبلو الشفا ان شاء الله.

__________________________________________________ __________

>>>> الرد الثالث :

اختي الله يشفيه
هذي هي المناسبة باش توقفي الكل عن شراء الحلويات و تقديمها لابنك دون حساب و لا رقابة
يقدرو يعوضو بالجبن او فاكهة او شيء من هذا القبيل
لازم تغسلي الفواكه و الخضار بالماء و الخل جيدا و كذلك الابتعاد عن الاكل الصابح
و من الافضل ان تاخديه للطبيب لانو احيانا تبقى تتكاثر لازم القضاء عليها بالدواء
زيت الضرو مفيد للسعال و للحروق ولا اعرف بالنسبة للدود

__________________________________________________ __________

>>>> الرد الرابع :

اديه للطبيب اختي و راح يمدلو vermifuge او دواء يشبهلو المهم و نتي وصي ابوه يعود يشريلو علبة ياوورت خير من الحلوة او اعطيه حبة وحدة فالنهار و قبل 12 ربي يحفضهولك

__________________________________________________ __________

>>>> الرد الخامس :

انا تاني ولدي كيف ولدك وديتوا للطبيب عطاني fluvermalتشربيه 3 ايام وتحبسي وبعد 15 يوم تزيدي تشربي 3 ايام وربي يجيب الشفاء محسوب الاولاد الكل يديرلهم الدود بصح نقصيلوا الحلوى على قد ماتقدري