ابني يخاف في الليل ساعدوني وساعدوووووه لرعاية طفلك

عنوان الموضوع : ابني يخاف في الليل ساعدوني وساعدوووووه لرعاية طفلك
مقدم من طرف منتديات العندليب

السلام عليكم ورحمة الله تعالى وبركاته
ابني عمره ست سنوات يعني يدرس السنة أولى هاذ اأسبوع ينهض في الليل مفزووووع ويصرخ بشدة حتان يخلع أخوه عنده الثلاث سنوات ونصف يقوللي خفت وسمعت أصوات وحاولت نهدا من روعه أنا ووالده بصح مافيش فايدة ساعات يجي يرقد معانا هو وأخوووه عمبالي بلي تصرف خاطىء قلت نصبر شوي برك ولا فائدة فهمتو بلي ماكان والووو يخلع في الدار بصح البارح زاد أكثر وراح نام معاه والده عدة مرات يرقد وينوض مفزوع وهكذا ويزيد يفزع خوه والله حاولت أعرف السبب بصح ماكانش سبب لخوفو واش رأيكم؟؟؟ ولي جربت مع ابنها مشكلة كيما هاذي تساعدني الله يخليها ويحفظها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي العزيزة ديريلو رقية لعلّ راو يشوف صح في حوايج في منامه تخوفه *

__________________________________________________ __________

>>>> الرد الثاني :

بارك الله فيك يالحبيبة

__________________________________________________ __________

>>>> الرد الثالث :

راقبي ما يشاهده في التلفاز والله معظم كوميكات هذا الوقت تروع
وزيدي ابحثي ممكن سبب خوفه عندو علاقة بالمدرسة لانو سنة اولى ممكن كاين الي يخوف فيه
ولما يحب ينام شعليلو قناة القران وخليه يرقد بيها يتعود يرقد بالقران وتهدى نفسو حتى يحفظ السور ويرجع يقراها لروحو وربي يهني قلبك عليه

__________________________________________________ __________

>>>> الرد الرابع :

ام
محمد تاج ممكن من المدرسة ربما ماهوش متعود على الضجيج
عجباته المدرسة ام لا ؟
كي ترقدوا معاه ينوض او لا ؟

هل خوفتوه من المعلمة ؟

__________________________________________________ __________

>>>> الرد الخامس :

حبيبتي ست الحبايب شكرا وألف شكر ليك وعلى العكس ابني مايتفرجش التلفاز بزاف من طبعو يحب لقراية والرسم وأنا من النوع الحريص يتفرج واش نشوف مناسب له وهو راض وسعيد