افيدوني افادكم الله لرعاية طفلك
عنوان الموضوع : افيدوني افادكم الله لرعاية طفلك
مقدم من طرف منتديات العندليب
السلام عليكم ورحمة الله تعالى وبركاته
من فضلكن
هل استعمال التزانة المنزلية |المكونة من كمون كروية نسبة قليلة والحلبة نسبة قليلةو البسباس والقليل من الفيجل||| تزانة تع الدار هل استعمالها بشكل يومي ضار للرضيع ابنتي لديها شهران وعندها الغاز
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هي ما درش بصح انا ننصحك بالتيزانه تاع الصيدلية
تاع الرضع قوليه الي عندهم الغازات وديريها لها تنفعها انا كنت نديرها لبناتي
__________________________________________________ __________
>>>> الرد الثاني :
بالعكس هي مفيدة ماش مضرة وكون تزيدي في البيبرونة مغرف صغيرة زيت زيتون مع التيزانة وماتكثريش الحلبة خاطر تيبس الكرش ديري غير 3 او 5 حبات برك ولدي شربتلو التيزانة 5 اشهر بشكل يومي و كي يقواو عليه الغازات نشربلو ديبريدا سيرو مليح بزاف خاطر ستوب كوليك ماساعدوش دارلو امساك شديد عاد غير يبكي وربي يجعل الشفاء لبنتك
__________________________________________________ __________
>>>> الرد الثالث :
عادي اختي تاع الدار او تاع الصيدلية هي فيها نفس المكونات لكن الحلبة لا تكثري منها
كذلك مثلما قالت الاخت ديبريدات مليح انا درته لابني كذلك درت له ستوب كوليك تاني ساعده بزاف
__________________________________________________ __________
>>>> الرد الرابع :
الف شكر لكن الله يجعلها في ميزان حسناتكن
__________________________________________________ __________
>>>> الرد الخامس :
انصحك بنصيحة عطاتهالي ممرضة وجربتها رائعة
اغسلي ورقة الخبيز وحطيها فيما مغلى وبارد شوي وغطيها مدة 2 سا ثم اعطيلها تشربها في مكان الماء
ربي يشفيها وما تخافيش لولاد كامل يزيدو بليقاز
