بنتي متشربش لحليب

عنوان الموضوع : بنتي متشربش لحليب
مقدم من طرف منتديات العندليب

السلام عليكم
عندي اسبوع كامل ملي فطمت بنتي (لاسباب صحية) عمرها 6 اشهر ولحد الساعة مزالت محكمتش الببرونة
قولولي كيفاش ندير والله العظيم راني حايرة تبات بالجوع وتفطن بالجوع
في النهار نوكلها شوية شربة الخضر شوية فرينة وزيد برتقال و تفاح مهروسين و بينات الاكل تبقى تبكي وكيما تفطن من النوم تبكي على خاطر جيعانة محبتش تحكم الببرونة
نديها عند الطبيب ولا نزيد نصبر عليها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ولدي ثاني مايحبش يحكمهالي كي نديرلو تيزانا وليت نديرهالو بالمغرف ومره راجلي راح يشريلو قش من الحانوت تاع لي نوفو ني القا بالصدفة عندو كيشغل بيبرونة بصح في بلاصت لا تيتين كاينة مغرف تهبل لا فوغم نتاعها توالم فم البيبي تصلح مام لي كومبوط الفرينة لا سوب

__________________________________________________ __________

>>>> الرد الثاني :

اعطيها بتي سويس عاونيها بيه ربي يعينك يا اختي رانا كامل نعانيو

__________________________________________________ __________

>>>> الرد الثالث :

ربي يعينك و ان شاء الله تروملك البيبرون

__________________________________________________ __________

>>>> الرد الرابع :

اختي حاولي تغيريلها الحليب حتى طيحي في لي يوالمها
و بما انك خدامة لازملك تولفيها عليه ربي يكون في عونك

__________________________________________________ __________

>>>> الرد الخامس :

ديرلها الحليب مع سيريلاك