عاونني يا الامهات تربية الطفل
عنوان الموضوع : عاونني يا الامهات تربية الطفل
مقدم من طرف منتديات العندليب
عندي ولدي عمره 11 شهرا ما يحبش ياكل ما عرفتش وش نديرلها
واللي عندها ماكولات للصغار تقولي عنهم و جزاءها الله حيرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يعينك يا اختي انا راني في نفس المشكل مع ولدي ولدك مازال صغير بلاك من التنبات يكون وقت نيابه ولا ضروسه انت حاولي ماتمديلوش الحاجة الحلوة جربيلو جارفي هداك البتي سويس ولا ديريلو دويدة بالحليب و لا حساء خضر خفيف ولكان مازال يرضع فالبيبرونة غير خليهالو خاطر كون تنحيلو الحليب ضرك وهو ماياكلش راح يكره كلش كيما ولديقالولي نحيلو الحليب باه ياكل ضرك حاجة ماتدخل فمو ولا الجلد على العظم والله خايفة يموتلي ونندم
__________________________________________________ __________
>>>> الرد الثاني :
شكرا اختي بصح ولدي لاحد الان ما نبت حتى سن مع العلم انه زاد كي دخل 8اشهر
__________________________________________________ __________
>>>> الرد الثالث :
Lazem tweklih choufi dirih fi korsih w 9ablih ltoyor ljana w weklih chwia w la3bih chwia w dahkih Lazem yestamte3 dirilou koskssi pure serdin na9ih w etahnih w e9lih wela dolma taybilou toufa7 w choufi
W lidha marahch yochrob lhlib zidou sokor wela chocolat neskweek w d'Odile lekhbar
__________________________________________________ __________
>>>> الرد الرابع :
السلام عليكم
اختي اولا ما لازمش تتقلقي بزااااف حتى تتلفلك واش ديري
لا .... يلزم غير بشوي بشوي حتى يبدا ياكل
مشكلتنا انا نقارنو ولادنا مع اولاد اخرين لياكلو مليح
وهي لا كل واحد ونفسيتو على ذاك لازملك صبر
اولا الحليب ثم الحليب حتى يلا ما كلاش راه يعوضله بزاااااف
الفرماج لازم تعطيه على الاقل حبة لافاش كيري في اليوم المرة الاولى يعيفها لكن كل شوم شوي يتعود على الذوق
الياوغت تاني مفيد عطيه واحد مثلا علاء الدين راه بنين وكما قتلك كل يوم شوي
حساء الخضر مفيد جدا شوفي ختي لو كان كل يوم مغرف افضل من ماكلنش
واهم شيء انك تعطيه خاطرك ونتي توكليه ماتتققيش اسمحي في كلش وكليه ومن بعد رجعي لشغالاتك
مثال على الحساء
نص حبة بطاطا حبة جزر نص كورجات فرع تاع الكرافس مفيد جدا وملح طحنيهم تقدري تزيدله حبة فرماج يجي بنين
وعطيه ياكل وعوديه على الاكل في اوقات محددة مثالا الفطور على 12 هكدا يوالف
موفقة اختي
__________________________________________________ __________
>>>> الرد الخامس :
المشاركة الأصلية كتبت بواسطة ايمان2009 https://3andlib.xplainer.net/images/...s/viewpost.gif
ربي يعينك يا اختي انا راني في نفس المشكل مع ولدي ولدك مازال صغير بلاك من التنبات يكون وقت نيابه ولا ضروسه انت حاولي ماتمديلوش الحاجة الحلوة جربيلو جارفي هداك البتي سويس ولا ديريلو دويدة بالحليب و لا حساء خضر خفيف ولكان مازال يرضع فالبيبرونة غير خليهالو خاطر كون تنحيلو الحليب ضرك وهو ماياكلش راح يكره كلش كيما ولديقالولي نحيلو الحليب باه ياكل ضرك حاجة ماتدخل فمو ولا الجلد على العظم والله خايفة يموتلي ونندم |
حياك الله اختي ايمان
اول حاجة شدتني في كلامك هي اخر جملة
لا يا اختي ماتقوليش كلام لتخلي الشيطان يلعب بيك
لازم تحاولي وماتكرهيش مع وليدك باش ياكل
خاصك تعرفي انو ما لازمش ياكل صحن كامل يا لوكان زوج مغارف ومعليش وكل يوم شوي حتى يوالف
الحليب يا اختي اهم حاجة للصغير لازم ترجعيهولو تدريجيا
لازم كتكوني تعطيه ياكل تضحكيه تلعبي معاه هكدا تهفيه هو يولي ياكل ويضحك
ماشي نتي مشنفة وهو يبكي منين تفوتله الماكلة ......
اديه للطبيب وحكيله حالته قادر يعيك سيرو فاتح للشهية ......
ماتغفليش عل حاجة مهمة
الماااااااااء
عطيه قد ما تقدري
موفقة غاليتي
