مساعدة من الامهات الموجودة في المنتدى لرعاية طفلك
عنوان الموضوع : مساعدة من الامهات الموجودة في المنتدى لرعاية طفلك
مقدم من طرف منتديات العندليب
سلام واش راكي يام ضافر ان شاء لله تكوني بخير انا دعاء الملاكة ادا شفيتي عليا الحمد لله راني ولدت ولادة قيصرية والحمد لله رزقت ببنت ماشاء الله اسميتها رونق تاج الوقار والان راهي قريب تقفل 3 اشهر ونحوس كيفاش نبدالها الماكلة واش نبدا نوكلها عما اني راني نرضعها رضاعة اصطناعية معنديش الحليب للاسف صحتها الحمد لله مليحة مع الحليب هدا جا عليها ساعديني مادام لراكي ام وتعرفي كيفاش ربيتي ولادك راني نستنى منك جواب او ديري موضوع على هدا الخصوص باش الامهات لي هنا كل واحد واش تجاوب من فضلك بارك الله فيك اختي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
مبروك ...يبدو أنك أم صغيرة ، لا تفعلي شيئ مع طفلتك حتى تشاوري من لهن علم .
ثلاث أشهر صغيرة جدا أختي ، في ذلك مغامرة بحياتها ، الحليب يكفي جدا ثم بعد ان تبلغ ست أشهر يمكنك تغذيتها ...
ست أشهر وليس أربعة ..حاذري أختاه ...
سأبلغ لينقل موضوعك للقسم الخاص ، سوف ترد عليك الامهات ان شاء الله .
https://www.djelfa.info/vb/forumdisplay.php?f=157
__________________________________________________ __________
>>>> الرد الثاني :
مبروك مازاد عندك وانا مع الاخت اللي قالت بلي حتان ست اشهر باش تبداي توكليها انا ام لبنتين وفي زوج دخاتلهم الماكلة بعد خمس اشهر بديتلهم بالفرينة وحدها وراه تع نشا وبشنة برك ميش تع الفواكه ولعسل المهم سلامي والحمد لله على سلامتك
__________________________________________________ __________
>>>> الرد الثالث :
مزالها صغيرة على الاكل في الوقت الحالي يكفي لحليب
حتان تكمل ست اشهر
كي تكمل خمس اشهر و نص تكون داخلة ل ستة بدي توكليها واحد كومبوت خاص بدراري 4 اشهر هاكة كاتبين فيه مي نتي وكليهولها حتان 5 اشهر و نص
فيه فواكه و محفوظ بطريقة طبيعية ،،،، اياااااكي توكليها شيء فيه مواد حافظة اختي
و كي تكمل ستة اشهر بدي ديريلها بطاطا مع قطرات من زيت زيتون و زرودية ،، كل مرة جربيلها بالحاجة باه تعرفي اذا توالمها هذه الخضر ام لا
لانو دراري مش كيفكيف
و تاني فيما يخص سيريلاك ووو كاين دراري ملي يزيدو فيهم مصران ما يتحملوش نشويات هادي
و بعد ما تتعود على الاكل و تكون داخلة سبع اشهر بقاي تعفسي فاكية و دوقيها عصير برك يعني تذوقو برك تبقى تكتشف شوية بشوية
اه و ما تذوقيهاش البرتقال ابدا حتى لعمر السنة لانو يديرلها حموضة
و اياااااك تغلطي غلطة بعض الامهاتا " هداهن الله ّّ يعطو دراري جبن !!!!!!! و روز !!!!!!! في هاد السنة بففف هذا ليه مضاعفات و جسم الاطفال لا يتحمل لانو ما يقدروش يهضمو هذه الامور و يدير كونستيباسيو
و في الوقت حالي اياكي تعطيها كاش حاجة ابار حليب ختي و ما تتقلقيش كامل دوك فيسع تكبر لعوام و راهم يجرو فما بالك بالاشهر
ربي يخليهالك و يسترها من كل عين حسود
__________________________________________________ __________
>>>> الرد الرابع :
مازالها صغيرة أصلا الطبيب يقول ماتبديش توكليها حتى 6 أشهر بصح أنا وليدي بديت نوكلو على 5أشهر بديت
__________________________________________________ __________
>>>> الرد الخامس :
مرحبا بيك اختي دعاء الملائكة والف الف مبروك والله يجعلها من الذرية الصالحة ويرزقك برها
الاكل تبداي في الشهر السادس وليس قبل ......تبداي بشوي فرينة مناسبة لسنو ممكن ملعقة او بالكثير زوج وبعد ماتوالف معدتها الفرينة تقدري تزيد معاها كومبوت ولكن منزلي ليس الجاهز قريب قتلي ولدي وما تخلطيلهاش انواع بزاف في وقت واحد ولكن كل نوع في اسبوع حتى توالفو وما يعمللهاش حساسية
