تعالوا لنرى ما تتمناه الفتاة من شريك حياتها من الواقع للنساء

عنوان الموضوع : تعالوا لنرى ما تتمناه الفتاة من شريك حياتها من الواقع للنساء
مقدم من طرف منتديات العندليب

ما نراه ونقرأه في الكثير من الأحيان بعيد كل البعد عن الواقع ويا ريت يكون القول مطابق للفعل ولنكون صريحين ما تتمناه المرأة في الرجل و كيف يجب أن يكون وهذا الموضوع طرحته بعدما قرأت في الكثير من المنتديات أن القول لايطابق الفعل ونرى أن الكل يتغنى بالدين والخصال إلى غيرها من الصفات الذي تختفي على أرض الواقع وتصبح أمنيتها على الشكل الآتي وكلها من الواقع مع بعض الإختصار :

1- أن يكون جميل ويشبهها قليلا أي يشبه الفتاة قليلا يعني ممن يقبعون أمام المرآة ساعتين ويضع زوج كيلو شحمة فوق راسو
2- عندوا 4x4 ماعليش إذا كان عندوا لاقونا كاسكيت ولا قولف
3- لازم يكون عندوا بوكو عط يعني شوية مرفح باش يخرجها تحوس ويشريلها واش تحب
4- ماذا بها يكون ميقري ولا ما كانش لازم يكون يسكن فالمدينة على خاطرش ماتقدرش تعيش فالريف
5- ماذا بها تكون تقدر تحكم فيه باش كي تقولو ديني لدار بابا مايشنفش
6- لازم يعرف يطيب ويغسل لماعن مرة مرة تبغي تتنفس شوية ويصحلها الوقت باش تتفرج المسلسلات
7- لازم يكون يقبل بلي تكون خدامة باش تخرج وترجع وقت ما تحب ولازم يعرف ياكل الماكلا تاع الفريجيدار
8- لازم يكون ما يزقيش عليها على خاطرش باش ماتقولوش أسمع أنا بابا ومازقاش عليا
9- مادابيها يكون يحب ماكلة برا و الريسطورا
10- لازم يضرب الحطة سي نو راه يطيح بها بصح إذا ضرب حطة مليحة تقولو واش بيك راك داير واحدا أخرى برا
11- البورتابل ولا في الشرط إذا كان n95 ماتقولش لالا
12- الدراري لازم حتى يكبروا على خاطرش حابا تعيش حياتها
13- لازم ما يكونش مدين بزاف على خاطرش لي شاد فالدين بزاف يجي معقد ومزير
14- تسكن وحدها مراهيش جايا خدامة لا عندك لاعند يماك جايا تعقب في لي فاكانس
15- لازم كل مرة تروح تشوف يماها ماشي تعبت عليها وربتها باطل كيلي الراجل لقاتوا يماه تحت حيط
16- لازم ما يتقلقش إذا عيطلها صاحبها ولا خدام معاها تقولو "نسوم دي زامي سي تو " واش بيك معقد


مانكثرش عليكم كاين حوايج بزاف نكتفي بهذا نرجوا من الفتيات مايزعفوش ماراهمش قاع كيف كيف بصح لازم نهدرو شوية فالواقع

ملاجظة : إذا ماتوفرتش هذ لحوايج غير ماتشقاش روح أستنى حتى يولي في عمرها فوق الثلاثين هداك الوقت ماعليش
المهم صحلها راجل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الصح صعيب بزاف ولا واش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

__________________________________________________ __________

>>>> الرد الثاني :

اوه لالا انك خبير في علم النساء0

__________________________________________________ __________

>>>> الرد الثالث :

اوه لالا انك خبير في علم النساء

من اللول قلت بلي الصح صعيب

مشكورين على المرور

__________________________________________________ __________

>>>> الرد الرابع :

انا نتمنى يكون راجل صح بمعنى الكلمة يوقف معايا في كلشي يحميني ويكون عندو دراهم لاباس عليه باش يقدر يعيشني لمعيشة اللي راني عايشتها يكون انسان متدين ويعرف ربي ..انا بكري كنت نقول نورمال كي مايكونش عندو دراهم بصح ذركا الله غالب بدلت راييى لقيت بلي اللي ماعندهومش هوما اللي يطيروا من بعد ومايحمدوش ربي........................واش رايكمhttps://3andlib.xplainer.net/images/smilies/19.gif

__________________________________________________ __________

>>>> الرد الخامس :

انا نتمنى يكون راجل صح بمعنى الكلمة يوقف معايا في كلشي يحميني ويكون عندو دراهم لاباس عليه باش يقدر يعيشني لمعيشة اللي راني عايشتها يكون انسان متدين ويعرف ربي ..انا بكري كنت نقول نورمال كي مايكونش عندو دراهم بصح ذركا الله غالب بدلت راييى لقيت بلي اللي ماعندهومش هوما اللي يطيروا من بعد ومايحمدوش ربي........................واش رايكم

أولا نورتي الموضوع بمرورك الأخت سمسومة وجهة نظرك أحترمها لكن لدي سؤال واحد ماراكيش تشوفي بلي لي عندو ما يحسش بل الخسارة إذا سمح في مرتو كاينلو ماشي كيما لي ماعندوش تلقايو صبار شوية زيدي ما راكيش تشوفي بلي لي عندو الدراهم تلقايو مزير ماشي كيما لي كافي روحوا تلقايو مفحشش ماروماركيتيش بلي لي عندوا داير حالة برا ولي ناقص عايش على قد حالو
على كل حال الله يعطيك ما تتمناي ومرة أخرى ألف شكر على مرورك وعلى البصمة الذي تركتيها بالموضوع