يوميات فتاة جزائرية متجدد لحواء
عنوان الموضوع : يوميات فتاة جزائرية متجدد لحواء
مقدم من طرف منتديات العندليب
السلام عليكم إخواني اخواتي
الإسم: فتاة جزائرية
اللقب: ملتزمة دينيا
التخصص: قارية بيولوجيا
الأصدقاء: كامل الناس
الشخصية: غريبة الأطوار لكن طيبة
هذي بعض مواصفاتي العادية وإليكم يومياتي الغير عادية أرجو ان تنال إعجابكم
قبل الجامعة كنت وحدة طايشة كل حاجة عندي نقضيها غدوة حتى الباك كنت باغية نجيبو برك باش نفرح بابا وأما وكي يقولولي واش راكي باغية تخرجي في المستقبل نقولهم خلو المستقبل للمستقبل
نهار لي جبت الباك فرحت بزاف وبيناتنا والله حتى بكيت https://img232.imageshack.us/img232/3380/66243873.gifراكم عارفين فرحة الباك ماتتنساش تكون بزاااااااااااف حلوةhttps://img98.imageshack.us/img98/9851/89268747.gif
بصح من بعد ياخواتي بدا التعب تع الصح كنت دايما نقول كون غير نجيب الباك ونريح نهار لي جبت الباك لقيت روحي هذا وين بدا التعب الحقيقي خرجي ورق حطي ورق ادفعي ورق و bien sur راكم تعرفوا الإدارات تاوعناhttps://img88.imageshack.us/img88/2397/51212015.gif
واكثر حاجة تعبتني هي إختيار الشعبة لي باغية نقراها سقسيت كامل الغاشي لي قاريين ولي ماشي قاريين خاطر ماكنتش دايرة حتى هدف ولا مشروع في راسي وكل واحد بدا يرايي على حساب فهامتو لي يقلي ديري طبيبة باش تداويني باطلhttps://img218.imageshack.us/img218/4187/66852016.gif ولي يقلي ديري شيخة راهم يخلصو مليح https://img547.imageshack.us/img547/256/69879360.gifوانا في تالي درت غير رايي انا خيرت واش خيرت ودفعت هذيك الورقة وقعدت نستنى انا وزهري.
كي خرجت résultat عطاولي بيولوجيا انا قريب مت من الخلعةhttps://img185.imageshack.us/img185/1259/46499044.gif surtout كي قالولي القرايا كامل بال français وانا كنت نص نص فيها
المهم رضيت بالأمر الواقع و رحت باش نسجل في هذيك البيولوجيا على سعدي وراح معايا بابا خاطر مانعرفش مليح الجامعة وهذوك البروتوكولات تع التسجيلات خاطيني كي دخلت من الباب تع الجامعة مانيش عارفة وعلاه جا في بالي هذا الدعاء ( يارب ادخلني مدخل صدق واخرجني مخرج صدق)
رحنا لوين يسجلوا وتماك بابا قرا بلي عطاولي شعبة العلوم الزراعية والبيولوجية راسو حبس وحسب درت تخصص زراعة وقعد في نص الحرم الجامعي يزقي علياhttps://img30.imageshack.us/img30/8919/64999127.gif ويقلي وعلاه درتي زراعة وانتي واش راح تديري بيها انا قلتيلي بيولوجي ماشي زراعة لوكان كامل ما جيتش معاك حكمتو على جيهة وبديت نفهم فيه بالعقل بلي هذي الكلية لي رح نقرا فيها تتكون من زوج شعب وحدة تع العلوم الزراعية والثانية تع البيولوجيا وفي الأخير كامل اقتنع و قالي روحي سجلي راهم قريب يغلقوا ويروحو يفطرو
وسجلنا في الجامعة والحمد لله فريناها على خير
كي دخلت للجامعة صراولي بزااااف حوايج بصح ماشي اليوم رح نقلكم عليهم نخلوهم لغدوة ان شاء الله
ايلا اعجبتكم يومياتي قولولي باش نكملهالكم وايلا لالا تان قولولي باش نكملهالكمhttps://img257.imageshack.us/img257/5830/52784487.gif
يالله اترككم في رعاية الله وصلوا على رسول الله صلى الله عليه وسلم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صلى الله عليه وسلم
لأن دى فهمتها بسهولة
إنما باقى الكلام صعب شوية
فهمت تقريبا 1 من 10 منه
شكراااااااااااااااااا
__________________________________________________ __________
