نزول سعر الذهب ؟ قضية زواج

عنوان الموضوع : نزول سعر الذهب ؟ قضية زواج
مقدم من طرف منتديات العندليب

أولا شكر كبير ليكم حباباتي ولكل طفلة سقسات وخمت عليا ونشكر كل وحدة تقلقت عليا ربي يخليكم ليا
وسامحوني لإني غبت عليكم بصح والله راني حاير وضايعة ومشني عارفة وش ندير
آلاء النايلية شكرا على موضوعك ولو إني حوست عليه درك ومالقيتوش
البنات الكل يسمين وbibicha w tamara و حسينة chimitta والبنات الكل ألف شكر
ولكل وحدة سقسات وش صرالي
نحكيلكم على اساس المرة اللي فاتت الخميس نتلاقاو
انا عيطلو قتلو ريحين نتلاقاو ولا لالا قالي راني نستنا فيك
تلاقينا أعطيتو ليبيس وادا قلت ماهدرش معايا نكدب هدر قالي لمي شعرك
أعدلي الخاتم في صبعك المهم برك
ومن باعد قعدنا في بلاصة 4 سوايع كاملة هو ماهدر حتى كلمة وانا كيفكيف
ومن باعد قلي هيا نروحو وقفت مشيت شوي لقيتو مازال واقف كي رجعتلو حضني
قلت صاي درك يقولي نوليو كيما قبل ويعطيني ليبيس وصاي بصح لالا
مهدر حتى كلمة وكي روحنا كيفكيف وعدات سمانة حتان اليوم الاربعاء ماعيط ماوالو
زدت انا ليوم عيط قتلو حنتلاقاو قلي راني نستنى فيك ونفس الحكاية تلاقينا وماحكينا والو
هو من النوع اللي يقول راي هو راي
وانا هكدا مانكملش من الأول قال حبسي خدمة وماتخرجي لا مع بنات ولا مع امك وانا نخرجك يومين في السمانة خلاني حتان حبست الخدمة ودرك ولات يوم في السمانة


كاين بنات قالولي انا كون نشوف خطيبي مرة في السمانة نفرح بصح كل واحد وظروفو انا خطيبي يخدم يوم بيوم يعني عندو وقت فارغ
والمسافة بيناتنا مش بعيدة 5 دقائق رانا في ولاية وحدة يعني ماكانش مصاريف
وانا مش من النوع اللي يخلي الواحد يصرف ويزيد
وزيد من الاول كانت الشروط هك قال مع امك ماتخرجيش مع اختك لالا مع الصحابات لالا حتى كي يجيوني بنات للدار ونجي نصارحو يبهدلني يقولي علاه جاوك والخلطة مش مليحة ووش حكيتو نقولو حكينا على الجهاو يقولي ماكانش منها ويتنرفا تقول مانعرف وش عاملة
يعني من الأخير انا بالطريقة هادي مانكملش



مشكتي اللي عملتها
قالي ماتخرجيش بلاماتقوليلي ومهار 27 رمضان كنا انا وياه متعاركين قاتلي ماما اشريلي كيلو سكر خرجت حانوت قدام الدار وش نقولك زوج خطوات كون نعيط يسمعوني تع الدار وهو لقاني
قالي كيفا تخرجي بلاماتقوليلي قوتلو بابا اللي قالي قالي مايهمنيش مادام انا ماعلاباليش ماتخرجيش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

من بعد ماصبرت وعقبت الشهر مايعيط حتان انا نعيط ومايساقسيش وكي نتلاقاو مايحكيش
انا البارح عيط قتلو غدوة حنتلاقاو ولا لالا قالي عندي قضيات قتلو كيفاه يخي قلتي ماتخرجيش خلاه عندك يوم واحد نخرجك فيه قالي الله غالب
***شوفو كيفاه السمانة هادي الأحد والثلاثاء ماخدمش ماكانتش عندو قضيات ونهار هادا دهر عندو قضيات راني قلتلكم السيد شايف شوفة أخرى أنتوما قلتلولي أصبري

__________________________________________________ __________

>>>> الرد الثاني :

على كل حال قتلو انا نقلك حاجة انا هكدا ماتساعدنيش مادام عايش حياتك ومخرجني انا من حياتك مالا قلي من درك
قالي هادي هدرة مش تع تيليفون كي نتلاقاو نحكيو قوتلو غدو ارواح لطاكسيفوت ناع عمي نتلاقاو لتما
وكي تلاقينا اليوم بدى يجبدلي الحاشي والراشي تع بكري قالي خرجتي من قبل وماقلتيليش وعملتي ودرتي.....................
قوتلو ادا فضت قولي قالي انا ماجيتش نقولك فضت ولا لالا انا رايح نكمل هك مانعيطلك ما نتلاقو ديما ربي يسهلك حابة حابة مش حابة هادي حاجتك
قوتلو مالا ربي يسهلك أعطيتو الخاتم المرة الأولي داه ومن باعد خلاهولي فوه الطابلة وخلالي الخاتم تع لاليونس اللي مديتهولو ولبستهولو في الخطبة

__________________________________________________ __________

>>>> الرد الثالث :

يعني .................................................. ......
فض المكتوب آخر كلمة قلتهالو ربي يسهلك في حياتك حتى كي سقسيتو على الدوسي تاع لونساج قالي مادخلكش

__________________________________________________ __________

>>>> الرد الرابع :

انا مابقيتش نعيط وماما مازال ماقلتلها والو هي أصلا قاتلي ماتعيطيلوش خلاه وحايرة ومشني عارفة وش حنعمل درك
يعني باينة فظت

__________________________________________________ __________

>>>> الرد الخامس :

السلام عليكم ورحمة الله وبركاته
يا ختي وش رح نقولك
أولا خطيبك لا يجوز لك الخروج معه والجلوس معه بدون محرم
ولا يجوز محادثته بدون ضرورة تدعو الى ذلك
فهو أجنبي عنك
هذا فيما يخص الجانب الشرعي الذي وددت تنبيهك له
اما بالنسب للشخص نفسه
نقلك خمي شوية بعقلك و شوفي لبعيد
حياتك معاه رح تكون مزيرية راهو انسان موسوس بزاف