زوجي قرر الانفصال قضية زواج

عنوان الموضوع : زوجي قرر الانفصال قضية زواج
مقدم من طرف منتديات العندليب

السلام عليكم ورحمة الله وبركاته
راني رجعت ليكم اليوم بحلقة جديدة من مشاكلي التي لا تنتهي مع زوجي عنده سمانة تفريبا قالي نخرجو بالسبت باش نكملو نشرو فش تع الدار تفاهمنا بالخميس عيطلي قالي راني عند الحانوت باش نشري قلتلو اشري الحاجة لي عجباتك قالي راني هدرت مع السيد وخلصتو وكومونديت وش لازم نهار السبت نروحو نجيبوهم قلتلو انا منروحش مرانيش خضرة فوق الطعام بدا يعاير فيا ويكفر عليا وسمعني كلام عمري ماسمعتو في حياتي وهادي ماشي اول مرة نداربو موالفين هكا درك ولا يعيطلي ويستفزني بكلامو انا كرهت منو وقلتلو بهاد الطريقة وهاد العقلية مراناش رايحين نروحو بعيد البارح قالي صيبي الحل قلتلو معندي حتى حل انا بديت في طريق وتوركت فيها ماعليا غير نكمل قالي مكالاه تكملي نحبسوها هنا انا تقلقت قلتلو امالا بيني وبينك القانون وغدوا المحامي يهدر معاك مبقاتلك حتى هدرة معايا واحنا من المفروض عرسنا مزالو شهر
قولولي كيفاش ندير نصارح والديا ولا نصبر ولا نروح عند المحامي ولا نسن


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا حول ولا قوة إلا بالله العلي العظيم
عرسك بعد شهر تبطلي أختي
راك فرحتي الشيطان عليه لعنة الله فيك

__________________________________________________ __________

>>>> الرد الثاني :

السلام عليك يا اختي هذه ما هي الا القلاقة قبل العرس والضغط الممارس عليك وعليه مكلاه المحامي حل المشكل بالتفاهم والرضا بينكم وهذا مش مشكل لي صح تتفارقو على جالو وربي يكملك ان شاء الله ويهدي النفوس يارب

__________________________________________________ __________

>>>> الرد الثالث :

ya okheti ossobri wa ihtassibi walah rana kamel kif kif mais s3iba 3la el wahda fina fi hade el wakte tatalég ossobri okheti w rabi faréje 3like w 3lina ajma3ine
anti raki kalkana mais mén ba3da wallah matakadri tatehamli
rabi hanike nchallah habibti w farhéke

__________________________________________________ __________

>>>> الرد الرابع :

يا اختي احسبي لل100 قبل ما تديري تصرف تندمي عليه الشيطان شاطر والطلاق راه بكلمة ،حاولي تتفاهمي معاه ....صلي صلاة استخارة ونصيحة من عندي دايما خلي اعصابك في ثلاجة مهما يعيط ولا يخرج كلام يجرحك كوني انت ذكية وصبورة ومترديش عليه بمثل كلامو لانو اذا سكتي وجاوبتيه بعقل رح يراجع روحو ويندم على ما قال ويستسمح منك ....مازال شهر على عرسك وحابة تطلقي ،هذي حاجة مهيش ساهلة مديريش اي خطوة من راسك وحدك شاوري اهلك وصلي استخارة وخليها على ربي ،ربي يصلح امورك ويهنيك

__________________________________________________ __________

>>>> الرد الخامس :

سلام حبيبتي اسمعيني مليح ارجعي لراجلك وبركنا من هذا التمسخير اذا زعفتي لانوا كفر عليك انا نظن بلي راكي عارفا عقليته هكذا مشي حتى عقدتي تفكرتي بلي راه هكا واذا زعفتي كي ماخيرتيش معاه فرجال اغلبية كيما هاك انا راجلي حتى حاجة ماشورني فيها بركان من هذي خضرة فوق الطعام فوتي شوية وهو يحسن عونو عطى كلمة لسيد .حبيبتي ارجعي لراجلك هذوهما الرجال ولي حبت تملك الراجل غي كلي رها تحوس تحكم قطرة تاع زئبق بالتوفيق