ماهي توابل الشربة فريك؟ من مطبخي
عنوان الموضوع : ماهي توابل الشربة فريك؟ من مطبخي
مقدم من طرف منتديات العندليب
من فضلكم ماهي التوابل التي توضع في الشربة فريك باه تجي بنينة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم حنونتي حنا شربة الفريك نديرولها لحم الخروف والتوابل لفاح او الدراس كيما يقولو البعض الملح طبعا فلفل اكحل فلفل احمر حلو البصل و الثوم و الدشة فقط
ملاحظة القرفة اي ما تجيش مع شربة الفريك نهائيا
__________________________________________________ __________
>>>> الرد الثاني :
كل منطقة كيفاش تديرها راح نعطيك طريقتي و تجي بنينة فعلا
4 سنينات ثوم (ما نستعملش البصل في شربة فريك)- م ص راس الحانوت-م ص فلفل أحمر حار أو حلو حسب ذوقك-2حبات طماطم مرحيين ناعم-1إلى 2 م ك طماطم مصبرة حسب ذوقك أنا ما نحبش نكثر منها لأني نحب نستعمل الحب أحسن-4 م ك زيت و قطع اللحم من المستحسن لحم أحمر تجي أبن بيه
و كاين اللي يحب يديرلها بعد ما تطيب سواء نصف ملعقة ص نعناع أو ورقتين رند (ورق الغار) وتجي بنينة كذلك
فقط بالنسبة لورق الغار تتركيها تغلي معه 3 د
أما النعناع اتركيه فيها و هي سخونة 5 إلى 10 د قبل التقديم راح تجيك ممممممممممممم روووووووعة
أنا نحط فيها خاصة في رمضان الرند أي ورق الغار و الله ما تتشبعش
__________________________________________________ __________
>>>> الرد الثالث :
التوابل التى استعملها هى راس الحنوت فلفل اسود كبابة اذا وجدت الثوم والحشاوش اي كسبرة خضرة واللحم
فلفل حار وفى الخير لما تطيب نرابى فيها فلفل حلو تجينى بنبنة
__________________________________________________ __________
>>>> الرد الرابع :
السلام عليكم
اختي الكريمة سر بنة الشربة مشي بالتوابل تقدري تحطيلها فقط الملح و الفلف الاسود و تخرجلك بنيييينة تهبل
السر هو في عملية التقلية كي تحطي البصل اللي هو مكون اساسي مع الدبشة و الكرافس و اللحم و الفلف الاسود و الملح خليها تتقلى على نار هادية بلاماتضيفي الماء حتى يدوبو كامل مع بعض و يتنكه اللحم
انا احيانا نقليها مدة ساعة نص ساعة قبل ومن بعد نضيف الطماطم و نزيد نقلي نصف ساعة ومن بعد نبدى نضيف الماء
و ايضا الماء ضيفي الكمية المناسبة مرة وحدة و ماتكتريش لانو البنة رح تروح باضافة الماء كل مرة و دايما طيابك يكون على نار هاااادية
__________________________________________________ __________
>>>> الرد الخامس :
شربت لفريك يا اختي دواها راس الحاموت والثوم معى لول وفي خمس دقائق الاخيره زيديلها شويه ثوم مهروس رايحه تجيك هايله
