مايوناز ناجح 100بال 1010

عنوان الموضوع : مايوناز ناجح 100بال 1010
مقدم من طرف منتديات العندليب

السلام عليكم اخواتى هناك احد الاخوات تربد طريقة للمايوناز مضمونة حبيت نعطيها طريقتى ساهلة ماهلة و ناجحة 100فى 100 اولا هناك شرطين الاول البيض يكون بارد من الثلاجة مياشرة و الثانى تحطى الزيت بالقطرة فى البداية و اركز على هده النقطة مش كل الناس عندها روبو انا نفضل نعملها بيدى لا روبو و لا باتور مع توفرهم لدى و من الاحسن تعمليها فى سلادى صغيرة انا نعملها فى باطة تاع لابال صغيرة بعد ما تنتهى لابال اغسلى الباطة مليح و خليها غير للمايوناز طولت عليكم معليهش باش تتحصلى على نتيجة مرضية اولا على بركة الله حطى صفار البيض فقط بارد خلطى شوية ثم ابدىء فرغى الزيت بالقطرة زو حركى بواسطة ملعقة صغيرة حتى يضهرك بلى بدى يطلع واصلى الخلط مع الزيت بالشوية حتى تتحصلى على خليط ثقيل الخطوة الاخيرة ضفى ملح فلفل اسود يلا حبيت قارص او خل وادا اردتيه حار ضفى الهريسة او بلو ن اخضر ضفى معدنوس او اتركيه طبيعى غطيه و حطيه فى الثلاجة ارجو انى اكون شرحت مليح و لى عندها سؤال فلتتقضل عفوا على الاطالة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة اختي
لكن ممكن تستعملي الابيض فقط لكن لون المايونيز يصير ابيض
كما ممكن تستعملي بنفس الطريقة البيضة كاملة
مشكورة الف شكر عالطريقة وهي صالحة 100 بالمية

__________________________________________________ __________

>>>> الرد الثاني :

شكرا اختى ابتهال على الرد انا عمرى لا درتو بالابيض فقط لكان تعرفيها و مجربتها حطى الطريقة مشكورة

__________________________________________________ __________

>>>> الرد الثالث :

شكرا جزيلا على الشرح بارك الله فيك

__________________________________________________ __________

>>>> الرد الرابع :

وفيك بركةاختى لاشكر على واجب

__________________________________________________ __________

>>>> الرد الخامس :

نفس طريقتي

شكرا لك