ديكور سلطة من مطبخي المطبخ الجزائري
عنوان الموضوع : ديكور سلطة من مطبخي المطبخ الجزائري
مقدم من طرف منتديات العندليب
حبيت نشاركم بهدا الديكور للسلطة
طيبي الروز حطيلو زيتون مقطع دوائر و شوية تن وديريلو عصير ليمون و مايوناز و حطيه بجهة
فوري الجلبانة و الجزر و طيبي البيتراف حطي كل مكون في صحن و ايضا الدرة و حطيلهم المايوناز جيبي بول نتاع شربة غلفيه بالبلاستيك الغدائي (le film alimentaire) و حطي كل مكون بجهة كما في الصورة ثم في الوسط حطي الروز رصيه مليح غطيه و خليه في الثلاجة حتى وقت التقديم وجدي فلفل طرشي يكون حجم صغير و متحوف احشيه بالفرماج مع الزيتون مقطع رقيق خليه في الثلاجة يشد روحو ثم قطعيه دوائر غلي البيض اقسميه نصفين نحي الصفار ثم البياض قطعيه دوائر و الصفار حطيلو تن و مايوناز و خلطيه مليح ثم حطيه في كيس للتزيين
و الان في صحن التقديم اقلبي البول لي فيه الروز ثم زوقيه بالفلفل المحشي و حطي دوائر البيض و عمريهم بالصفار على شكل وريدات كما في الصورة وزوقي بالطماطم و الزيتون الاسود واي حاجة انت حابتها ورابي من فوق شوية برك بياض بيض في الجهة الرقيقة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://store1.up-00.com/Dec11/oHV96022.gif
بزااااااااااااف هايلة و الديكور روعععععة تسلم إديك ختي أم ميدو
__________________________________________________ __________
>>>> الرد الثاني :
الله يسلمك حنونة انت الاروع
__________________________________________________ __________
>>>> الرد الثالث :
يعطيك الصحة بزااف هايلة لازم نسييها
__________________________________________________ __________
>>>> الرد الرابع :
هايلة جاري التطبيق
__________________________________________________ __________
