سلطة الارز و الفقاع و فرماج شيدر من مطبخي
عنوان الموضوع : سلطة الارز و الفقاع و فرماج شيدر من مطبخي
مقدم من طرف منتديات العندليب
هاد السلطة درتها فالعرضة حبيت نحطلكم الطريقة:
1-نحمرو الفارميسال فالزيت حتان تحمار ومن بعد نطيبوها مع الروز لمدة 15الى 20دقيقة على الاكثر
2-نفورو الزرودية و الماشطو المقطعين صغار ونحمرو الفقاع مع الزبدة و الثوم و من بعد نخلط الكل مع بعض و نضيفلها التتبيلة القارص و الزيت و الملح ونخلط ومن نضيفلها فرماج شيدر و الفرماج العادي اي نوع وهي سخونة و نخلط مليح و من بعد نضيفلها المايوناز و البيض المطبوخ و نخلط
طريقة التقديم:
نغسل السلطة الخضر مليح ونشفها ونستعمل فقط القلب يعني الورقات اللي يكون شكلهم كيما البول و ندير فيهم المزيج و من الفوق نزينها بشوية ميوناز و تونة بالطماطم و زيتون اسود و نخليكم مع الصور
نشالله تعجبكم ماتنساوش التقييم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نحمرو الفاميسال فالزيت حتان تحمار ومن بعد نيبوها مع الروز لمدة 15الى 20دقيقة على الاكثر
mafhamtch takasdi bel vermisel hiya lafdawech safi had la salade taa roz maa vermisel yatik esaha maa had skhana ylik ghire chlayed machkoura okhti
__________________________________________________ __________
>>>> الرد الثاني :
المشاركة الأصلية كتبت بواسطة natacabell https://3andlib.xplainer.net/images/...s/viewpost.gif
نحمرو الفاميسال فالزيت حتان تحمار ومن بعد نيبوها مع الروز لمدة 15الى 20دقيقة على الاكثر
mafhamtch takasdi bel vermisel hiya lafdawech safi had la salade taa roz maa vermisel yatik esaha maa had skhana ylik ghire chlayed machkoura okhti |
مشكورة حنونة بصح مافهمتش لوكان تكتبي بالعربية يكون احسن
__________________________________________________ __________
>>>> الرد الثالث :
شكرا على السلاطة وعلى الفكرة يعطيك الف صحة تشبه طريقة المشارقة
__________________________________________________ __________
>>>> الرد الرابع :
الشكر ليك حنونة على الرد الجميل
__________________________________________________ __________
>>>> الرد الخامس :
يعطيك الصحة اشورة
هايلة و تحمر الوجه
