مساعدة حول طريقة عمل الكبة المقلية
عنوان الموضوع : مساعدة حول طريقة عمل الكبة المقلية
مقدم من طرف منتديات العندليب
مرحبا رجاء كل من كانت لها تجربة في عمل الكبة المقلية ان تساعدني في تحضيرها اشتريت برغل ناعم لكن لحد الان ما زال ما حضرتهاش بحثت عن الوصفة في النت لقيت اسماء توابل ما عرفتهمش فقلت نسال هنا احسن سال مجرب ولا تسال طبيب البهار اللي ما عرفتوش هو البردقوش والسبع بهارات هل تعني راس الحانوت كما انقولو احنا ناس الغرب وزيد هوما يطحنو البرغل مع اللحم عدة مرات حتى تصبح عجينة ملساء في مفرمة اللحم لكن انا ما عنديش هل من الممكن نطحنها في ربو ......رجاء كل من تعرف تساعدني وياريت تعطوني مقايييس تاع كمية قليلة حبيت انجرب في الاول غير شوية البرغل اللي شريتو انا 1كغ ولا اريد استعماله كله ثاني ملاحظة اخرى هوما يستعملو قطع الهبرة ويرحوها وحدهم وكما قلتلكم ماعنديش ماكينة فرم اللحم هل استطيع استعمال المفروم جاهز انا بانتظار مساعدتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي اختي انا موالفة نديرها
ديري برغل ناعم في الماء مدة ربع ساعة و من بعد صفيه مليح مليح و خلطي معاه لحم مفروم بكميات متساوية و ديريلو ملح و فلفل و شوية هريسة و معدنوس و ديرهم ينطحنو ملييييييح مليح حتى يولو على شكل عجينة و من جهة اخرى و جدي الحشو و اللي هو لحم مفروم طيبيه مع شوية بصل و زيت و ملح و فلفل و ديريلو ايضا معدنوس كي اطفي عليه و يطيب و من بعد بداي تشكلي في البرغل و احشيه بالحشو و اغلقي عليه وليح و كي تكملي كل اللي عندك اقيله و بالصحة عليك راني رايحة نحط موضوعها عن قريب ان شاء الله و بالاك غدوة ان شاء الله نسيي نديرها على جالك اصبري عليا و ان شاء الله انحطهالك
__________________________________________________ __________
>>>> الرد الثاني :
ملاحظة اختي انا نستعمل اللحم المفروم الجاهز و البرغل كي تخلطيه مع اللحم و ترحيهم ارحيهم في الروبو
__________________________________________________ __________
>>>> الرد الثالث :
المشاركة الأصلية كتبت بواسطة faizarbh https://3andlib.xplainer.net/images/...s/viewpost.gif
شوفي اختي انا موالفة نديرها
ديري برغل ناعم في الماء مدة ربع ساعة و من بعد صفيه مليح مليح و خلطي معاه لحم مفروم بكميات متساوية و ديريلو ملح و فلفل و شوية هريسة و معدنوس و ديرهم ينطحنو ملييييييح مليح حتى يولو على شكل عجينة و من جهة اخرى و جدي الحشو و اللي هو لحم مفروم طيبيه مع شوية بصل و زيت و ملح و فلفل و ديريلو ايضا معدنوس كي اطفي عليه و يطيب و من بعد بداي تشكلي في البرغل و احشيه بالحشو و اغلقي عليه وليح و كي تكملي كل اللي عندك اقيله و بالصحة عليك راني رايحة نحط موضوعها عن قريب ان شاء الله و بالاك غدوة ان شاء الله نسيي نديرها على جالك اصبري عليا و ان شاء الله انحطهالك |
واش انقولك حنونتي ربي ينورك ادن راح استنى موضوعك بهدا الخصوص ومن بعد اجرب اعملها لاني جامي درتها وعندي تاني سؤال بخصوص المكسرات اللي يديروها في الحشو هل هي ضرورية
__________________________________________________ __________
>>>> الرد الرابع :
ربي يحفظك اختي بالنسبة للمكسرات ماهيش ضرورية لانهم يضيفوها للزينة و تاني يديرو الصنوبر للحشو كلمسة فنية فقط انا نديرها دون مكسرات و اجيني لذيذة راني وصيت بابا يجيبلي اللحم المفروم غدوة ان شاء الله و لعيونك نديرهالك ان شاء الله
__________________________________________________ __________
>>>> الرد الخامس :
الله الله الكبة انا نحبها بصح البرغل واش هو
