مساعدة عاجلة من فضلكن طبق جزائري
عنوان الموضوع : مساعدة عاجلة من فضلكن طبق جزائري
مقدم من طرف منتديات العندليب
https://3andlib.xplainer.net/images/smilies/mad.gifسلام علئ الجميع
افيدوني من فضلكن مشكلتي في الرقاق كيما يقلو البساكرة يجيني يابس
قالولي راكي تبلييه ياسر نقصتلو الماء و كيفكيف شرالي سميد مليح و ما نفع والو افيدوني راني عروسة جديدة وكرهة من المعايرة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي انا بسكرية و ديما نديروه و يجي هايل
اختي ممكن مشكلتك تخلي النا قاوية ياسر و لا ناقصة ياسر
النا لازم تكون وسط و راح يتحرق او يابس
__________________________________________________ __________
>>>> الرد الثاني :
كون على الاقل كتبتيلنا الطريقة اللي تحضريه بيها باه تقدروا نعرفوا الخطأ : في الاصل عجينته تتبل يابسة شوي وتتعجن مليح ثم يضاف الماء بالتدريج مع العجن المستمر بدون تقطيع العجين حتى نتحصل على قوام طري جداً . ثم نعملو كريات وندهنوهم بالزيت ونغطوهم ببلاستيك ونريحوهم بعد مدة نبداو نحلو بالواحدة باستعمال الزيت طبعا باه تتحل مليح وما تجيش يابسة ونطيبوا ومنين نقلبوا البرنوس نضيفوا القليل من الزيت ندهنو به الوجه ... نتمنى نكون افدتك
__________________________________________________ __________
>>>> الرد الثالث :
شكرا حبيباتي على الاهتمام و الاجابة.
اختي basketeuse..;نفس الطريقة لي ذكرتيها نديرها بصح يجي يابس ممكن من النار قاوية
__________________________________________________ __________
>>>> الرد الرابع :
أنا نقلك السر حنونة
اولا لازم الطجين او الطاوة كيما يسموها لبسكرة تكون متينة جدا وتخنيها مليح وبعدما تسخن مليح نقصيلها النار ولوحي بلوحدة وكي تقلبي الفطيرة رشيها بشوية زيت وبعدين لوحي فقها الثانية .وقلبيها ثم كرري نفس العملية زيدي رشي الفطير بالزيت ولوحي الثالث وقلبيها .وكملي هكذاك حتى توصلي 10 أو 15 ورقة وبعدين حوشيهم في الجوانب وحطيهم في منديل قماش ولفيهم ثم ذخليهم في كيس نيلون .وخليهم يبردوا وبعدين فتيهم .ورجعيهم للكيس
علاش قتلك منديل .مشي كيس لأن الكيس يعرقهم ويشمخهم
وإيدا كنتي تلوحي غير بالوحدة اولا ديريلها الزيت .ثانيا ماتخليهاش طول في النار تشوفيها طابة شوية أخطفيها من الطاجين وطبقيها وديريها في المنديل .كيما قتلك .على خطرش لوكان تخليها مكشوفة للهواء تيبس .خاصتا لاكنتي تسكني في الصحراء جوها حار ويبس العجين .والحلاويات .مشي كيما لي يسكنوا في الشمال عندهم الرطوبة .والرطوبة تساعد في طراوة العجين والحلوى .إن شاء الله نكون أفدتك
__________________________________________________ __________
>>>> الرد الخامس :
