طاجين الحلو بيتني نبكي..يا لبنات شورو عليا.. طبخ جزائري

عنوان الموضوع : طاجين الحلو بيتني نبكي..يا لبنات شورو عليا.. طبخ جزائري
مقدم من طرف منتديات العندليب

السلام عليكم...
من وقت بديت نتعلم وطاجين الحلو نطيبه بلا لحم ومام بلا سمن او زيدة..بالمختصر ندير الفواكه الجافة في ماء يغليو..وكي يغليو مليح ندير ماء زهر وعود قرفة والسكر..ونخليه يعقد مليح..وكي يوجد نحط منه والباقي اذا بقالي نديره فالثلاجة وميخسرليش يجي بحال المربى....
المهم حكايتي وما فيها راني مخطوبة لتيبازة وان شاء الله بنات تيبازة يفيدوني...المهم مرت اخ خطيبي جابتها طريق للغرب وعرضتها تفطر عندنا..ودرت ليها طاجين الحلو بطريقتي....عجبها وكلات بصح قالتلي غير ولفي روحك طيبيه باللحم والبصل والسمن..قالتلي كون يسمعو بيك الناس يضحكو عليك وقالتهالي قدام فاميلتي..حسيتها اهانتني....بكيت وكي جيت لقسم الطبخ نتاع الجلفة لقيت كامل طواجين الحلو كيما قالتلي هي...يعني انا غالطة والطاجين اللي نديره انا ميصلحش....ولعلمكم عجوزي متاكلش لحم حلو تاكل غير الفواكه اللي فالطاجين...
وش رايكم نعتمد طريقتي ولا نبدل كيفما قالتلي هي...


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ننصحك نصيحة واش رايك تسالي زوجك كيفاش يحب ياكلو و طيبيلو بويسك النساء و امالين الراجل راو مايعجبهمش لعجب
الا من رحم ربك وطيبي اطيابك كل واحد عندو طريقتو ..........................

__________________________________________________ __________

>>>> الرد الثاني :

المشاركة الأصلية كتبت بواسطة عمري ضايع https://3andlib.xplainer.net/images/...s/viewpost.gif السلام عليكم... من وقت بديت نتعلم وطاجين الحلو نطيبه بلا لحم ومام بلا سمن او زيدة..بالمختصر ندير الفواكه الجافة في ماء يغليو..وكي يغليو مليح ندير ماء زهر وعود قرفة والسكر..ونخليه يعقد مليح..وكي يوجد نحط منه والباقي اذا بقالي نديره فالثلاجة وميخسرليش يجي بحال المربى.... المهم حكايتي وما فيها راني مخطوبة لتيبازة وان شاء الله بنات تيبازة يفيدوني...المهم مرت اخ خطيبي جابتها طريق للغرب وعرضتها تفطر عندنا..ودرت ليها طاجين الحلو بطريقتي....عجبها وكلات بصح قالتلي غير ولفي روحك طيبيه باللحم والبصل والسمن..قالتلي كون يسمعو بيك الناس يضحكو عليك وقالتهالي قدام فاميلتي..حسيتها اهانتني....بكيت وكي جيت لقسم الطبخ نتاع الجلفة لقيت كامل طواجين الحلو كيما قالتلي هي...يعني انا غالطة والطاجين اللي نديره انا ميصلحش....ولعلمكم عجوزي متاكلش لحم حلو تاكل غير الفواكه اللي فالطاجين... وش رايكم نعتمد طريقتي ولا نبدل كيفما قالتلي هي...

انا وحدة من الناس نطيبو بلا لحم خاطر مكانش اللي ياكلو ياكلو فيه الفاكهة فقط
طريقتي ندير كيلة سكر مع زوج كيلات ماء ونخليهم يغليو ونزيد عود قرفة ونحط التفاح يطيب في نصف طيابو نزيد البرقوقة او العينة والمشماش ونخليهم كي يولي قريب يعقد نزيد زبيب
اما البرقوق والمشماش قبل ما نطيبهم نحطهم في طبسي ونفرغ عليهم ما سخون مدة ربع ساعة قبل ما نضيفهم
في الاخير كي نطفي ندير عليه خليط ماء ورد وماء الزهر
انتى كي تتزوجي وتشوفيهم كيفاش يطيبوه سوا طيبي كيما هوما سوا طيبي بطريقتك وشوفي بالاك يعجبهم
وزيد وعلاش يضحكو كل منطقة وكيفاش طريقة طيابها هدي مافيهاش ضحك
ربي يوفقك ان شاء الله

__________________________________________________ __________

>>>> الرد الثالث :

ما تبكي ما ولو كاين بزاف يديروه بدون لحم
حتى اني سمعت الحلو المودارن راهم يديروه بدون لحم

__________________________________________________ __________

>>>> الرد الرابع :

السلام عليكم اختي ان شاء الله خير

انا ساعة نديرو باللحم ساعة نديرو كيما انت و ماديريهاش في راسك خليها تهدر كيما تحب ياك الهدرة باطل نتي واش عليك ديري اتعلميه بكل طرقه باللحم و لا بلا لحم و كي تروحي لعندهم كي تعودي رايحة ديريه ديريه باللحم وشاوري عجوزتك ماتبكي ماوللو يقولك المثل

نسا لاسلاف كي الحمة فوق الكتاف قولها كليتي كليتي حتى شبعتي ومنبعد نضتي تهدري هذا لي قالك توكل في الغلة وتسب في الملة

انا وش نقولك يا اختي والله راكي كي اختي انا ثاني رايحة عروسة اتعلمي كل شيء لي يقولولك طيبيها قوليلهم نعرفها هكذا باه ماتخليهم يهدرو عليك حتى حاجة انا نعرف ناس الغرب كرماء اما ناس الوسط فيهم غير الفم عن تجربة هذا واش نقولك اختي كثرت عليك بالهدرة اسمحيلي وهذه كلها نصائح لوجه اللله و ربي يهنيك ان شاء الله اختي و يجمع بيناتكم بالمحبة

__________________________________________________ __________

>>>> الرد الخامس :

المشاركة الأصلية كتبت بواسطة yara djoumana https://3andlib.xplainer.net/images/...s/viewpost.gif ننصحك نصيحة واش رايك تسالي زوجك كيفاش يحب ياكلو و طيبيلو بويسك النساء و امالين الراجل راو مايعجبهمش لعجب الا من رحم ربك وطيبي اطيابك كل واحد عندو طريقتو ..........................

بارك الله فيك اختي..راجلي يحب الحلو وكل ما يجي عندنا يقولي عندكي تنسي الحلو ولا مرة قالي مش مليح ولا احنا منديروهش هك...ديما ياكله ويقولي يعطيك الصحة...

المشاركة الأصلية كتبت بواسطة حيهتى كلها امل https://3andlib.xplainer.net/images/...s/viewpost.gif انا وحدة من الناس نطيبو بلا لحم خاطر مكانش اللي ياكلو ياكلو فيه الفاكهة فقط طريقتي ندير كيلة سكر مع زوج كيلات ماء ونخليهم يغليو ونزيد عود قرفة ونحط التفاح يطيب في نصف طيابو نزيد البرقوقة او العينة والمشماش ونخليهم كي يولي قريب يعقد نزيد زبيب اما البرقوق والمشماش قبل ما نطيبهم نحطهم في طبسي ونفرغ عليهم ما سخون مدة ربع ساعة قبل ما نضيفهم في الاخير كي نطفي ندير عليه خليط ماء ورد وماء الزهر انتى كي تتزوجي وتشوفيهم كيفاش يطيبوه سوا طيبي كيما هوما سوا طيبي بطريقتك وشوفي بالاك يعجبهم وزيد وعلاش يضحكو كل منطقة وكيفاش طريقة طيابها هدي مافيهاش ضحك ربي يوفقك ان شاء الله

ربي يبارك فيك....الحمد لله طريقتك وطريقتي في طيابه كيف كيف...يعني عادي يطيب بلا لحم...

المشاركة الأصلية كتبت بواسطة زنجبيل11 https://3andlib.xplainer.net/images/...s/viewpost.gif ما تبكي ما ولو كاين بزاف يديروه بدون لحم حتى اني سمعت الحلو المودارن راهم يديروه بدون لحم

ربي يخليك اختي...والله هذا وين طلعلي المورال قلت خلاص انا اللي غالطة ودرك تضحك عليا الناس الكل....الحمد لله كان بزاف يديروه بلا لحم..
ربي يجازيكم خير ويعطيكم ما تتمناو