اللي تعرف توريلي المطبخ الجزائري
عنوان الموضوع : اللي تعرف توريلي المطبخ الجزائري
مقدم من طرف منتديات العندليب
جمعة مباركة ياخوتاتي راني حابة نعرف واش هوما les souchans راهي بنتي الصغيرة مهبلتني عليهم قالت له عليهم صاحبتها
وانا معرفتهمش يمكن غلطت في الاسم او كل منطقة كيفاش تسميهم انا قلت غير انتم اللي تفكونيعلى حساب مافهمت راهي نوع من المقبلات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي اسمهم les chaussons ولا كاين اللي يقولولهم السنبوسة
اكتبيها فيها قوقل يخجولك بزااااااااااااااف وصفات
وادا تبغي ديري كيما نعملهم انا
ثلاث اكواب دقيق
بيضتان
ملعقتين كبيرتين سمن أو زبدة
ملعقة كبيرة ملح
تقريبا كوب ماء دافيء
والحشوة ديري اللي تبغيها
ديري تاع اللحم مرحي طيبيه مع بصلة مرابية وزيديلهم زيتون وفرماج
تعجني العجينة وتحليها اقطعي اقراص
انا نقطعهم غير بكاس
كل قرص ديري فيه ملعقة من الحشو وسكريها يجي شكلها نصف دائري
ادهنيها من الفوق بصفار البيض وطيبيهم في الفور
او ادا تحبي اقليهم في الزيت
كاين بزااف وصفات كاين اللي يديروا خمارة في العجينة
انا كل مرة كيفاش نطيبها
الحشوة ديري على حساب الرغبة درك نهبطلك تصاور
__________________________________________________ __________
>>>> الرد الثاني :
هاهم ليك الصور
وحدة مقليين
ووحدة طايبين في الفور
__________________________________________________ __________
>>>> الرد الثالث :
هادو طايبين في الفور
__________________________________________________ __________
>>>> الرد الرابع :
اسمحيلي ماعرفتش نهبط التصاور
والعجينة زيدي ابحثي عليها في قوقل يورولك كيفاش تخدميها باسكو انا والله كل مرة كيفاش نعملها جربت بزااااااااااااف وصفات
__________________________________________________ __________
