شكون تمداي طريقة لتحضير السباقيتي والمعكرونة تجي بنينة
عنوان الموضوع : شكون تمداي طريقة لتحضير السباقيتي والمعكرونة تجي بنينة
مقدم من طرف منتديات العندليب
سلام علكم يا لحراير شكون تمدالي طريقة لتحضير العجائر المعكرونة والسباقيتي انا كل شيء يجيني بنين وهوما لالا وشكرا مسبقا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السر هو في البهارات وكمية وكثافة الصلصة وكذالك قوام المقرون
انا نعطيك طريقتي كامل تعجبهم : مانكثرش البصل ونكثر ثوم ونقلي مع شوي لحم بقري ، فلفل اسود، كسبر، قلييل من الكروية ( ممكن اكتفي بالكسبر فقط) فلفل حار مقصوص وطماطم مصبرة ومن بعد نضيف طماطم مرحية ونخليها شوي ثم نمرقها بقليل من الماء . لازم كي تطيب تجي عاقدة وماشي بزاف صوص .. واذا مادرتلهاش اللحم نخلي للمرحلة هذه ونزيد طونة مقطرة من الزيت او جومبو دجاج او زعيترة
بالنسبة للمقرون نغليها ومانخليهاش حتى تولي طرية لازم aldenté . ولوحيها مباشرة في الصوص مع القلييييل من ماء الطهي لكن تتجانس جيدا مع الصلصة . خلطي شوي وطفي اذا حبيتي زيدي شوي زيت زيتون في الاخير
__________________________________________________ __________
>>>> الرد الثاني :
السلام عليكم
نعطيك طريقتي شخصيا تعجبني و نتي مانعرف
ديري حبة بصلة كبيرة (علي حتترحى مكان علاه تقسميها صغيرة) حطيها تتقلى مع الزيت و الفلفل الاسود امبعد زيدي راس ثوم (الصح فالثوم) يزيدو يتقلاو شوية ارمي طماطم نورمال مقسمة كبير (انصاف مثلا) 6 و لا 7 حبات لاباس بيهم زيدي الرند الزعيترة(و انا نحبهم كي يكون يابسين) الملح و خليهم يطيبومدة بالما تاع الطماطم كي تحسيهم خثرو زيدي الما و لازم تخليها خاثرة ،كي يطيبو ارحيهم عاودي رجعيهم للنار زيدي كمية معتبرة مالطماطم المصبرة .
ويلا بلحم ديريه كويرات فيونداشي (يخرج بنين بالفيونداشي) ولا بلاكويرات ديراكت حطيه مع التالي كي تكون الطماطم طابت و رحيتيها ،هو بلخف يطيب و انتهى شهية طيبة
__________________________________________________ __________
>>>> الرد الثالث :
و المقرون لي نحبو لي بقالو شعرة و يتعجن ههه طايب مليح وحد 20د يجي طرييي يذوب بلخف هذاك انا نحبو بزاف
__________________________________________________ __________
>>>> الرد الرابع :
و الحار فلاصوص نسيتو انا ندير حبة فلفل قناوة و الماقارون شبعيه زبدة
__________________________________________________ __________
>>>> الرد الخامس :
السر اختي كيما قالو الاخوات لازم الصوص تجي عاقدة ماتكتريش الماء وتحبي ديريه حار يجي كثر بنين
والمقارون او السباقيتي ماتطيبيهش حتى يولي معجن
وموفقة اختي ان شاء الله
