مقبلة على شكل جزرة هــــايلة بخفتها طبق جزائري

عنوان الموضوع : مقبلة على شكل جزرة هــــايلة بخفتها طبق جزائري
مقدم من طرف منتديات العندليب

https://im38.gulfup.com/wHvfI.gif


أحبتي ان شاء الله تكونو بخييييييييير
راح نقدملكم مقبلة ان شاء الله تعجبكم وتجربوها


مقادير العجينة : نعطيكم المقادير الاصلية أنا درت كمية صغيرة

-- 500غ فرينة
-- 1/2 كأس حليب
-- بيضة واحدة
-- م ك ونصف خميرة الخبز
-- م ك سكر
-- ملح
-- نصف فنجان زيت
-- ماء دافي لمي بيه العجينة وتكون متخومة وتلصق في اليد لازم باش تكون خفيفة
https://im38.gulfup.com/WJEFt.jpg

دوركا أعجنيها ملييح ولازم تكون متخووووومة راني نركز حتى وتلصقلك في يدك حاولي تعرفي كيفاش تعجنيها حتى تشوفيها بياضت شوي
في وعاد مدهون بالماء حطي لمي العجينة وحطيها وزيدي دهنيلها ماء من فوق وخطيها بكيس بلاستيكي وخليها تتخمر سااااااااااااعة كاااااااملة متصدقوش كيفاش تتطلع الله يبارك
https://im38.gulfup.com/lBUkm.jpg

أثناء تخمرها حضري الحشوة انا درت الحشوة بجبن بوك لي طبقتو من عند الاخت الكريمة يجيازيها ربي بالخير هاهو الرابط للاستفادة
https://www.djelfa.info/vb/showthread.php?t=1302024

للحشوة :
-- جبنة بوك صنعتها في البيت أو أي جبنة بيضاء طرية
-- حبة جزر مقطع رقيق ومقلي في الزيت
-- فص ثوم مهروسة
-- معدنوس مقطع
-- زيتون اخضر مقطع رقيق
https://im38.gulfup.com/bwO41.jpg
اقلي الجزر في الزيت على نار هادئة
https://im38.gulfup.com/zc08K.jpg

وخلطي المكونات كامل ملييح ويكون الحشو حاااااضر
https://im38.gulfup.com/vTdG8.jpg

شوفو العجينة كيفاش كانت وكيفاش رجعت
https://im38.gulfup.com/lBUkm.jpg
هنا كي طلعت
https://im38.gulfup.com/uNmgt.jpg
الان نحل العجينة بالحلال متكونش رقيقة بزاف ونقطعها شرائط 1سم
https://im38.gulfup.com/As8cr.jpg

ندهن كل شريط بالماء بالاصبع منكترش الماء نمسح برك
https://im38.gulfup.com/5zlUc.jpg
https://im38.gulfup.com/6D255.jpg
ندهن مول الكورني بالزبدة أو الزيت
ونرولي العجينة على الكورني كيما في الصورة
https://im32.gulfup.com/gokIs.jpg

نحطهم فوق صينية واقفين يزيدو يتخمرا لساعة كاملة راح يكونو خفااااااف لازملهم الوقت برك
https://im32.gulfup.com/rdRTS.jpg
بعد التخمر
https://im32.gulfup.com/SoGaV.jpg

الان للدهن نحتاج :
-- بيضة
--م ص زعفران بودرة
-- نصف م ص هريسة واذا تحبي عوضيعا بطماطم مصبرة
https://im32.gulfup.com/j1rFE.jpg
https://im32.gulfup.com/TLQ8Z.jpg
ادهنيهم وخليهم يتخمروا 10د برك هاذ المرة ماشي بزاااف هههههههه علابالي قلقتو هههههه
https://im32.gulfup.com/D9YhG.jpg

وحطيهم يطيبو الفرن يكون سخوووووون بدرجة 250° كي يبيطبوا خرجيهم يبردوا وانزعي المول
https://im32.gulfup.com/AO5Dw.jpg
واحشيهم بالحشوة
https://im32.gulfup.com/r2q5i.jpg

هاهم واجدييين من فوق وضعت معدنوس واذا عندك الشبت ديريه كتزيين
https://im32.gulfup.com/qUFGd.jpg
https://im32.gulfup.com/B9ors.jpg
https://im31.gulfup.com/F1UeY.jpg

ياااارب تعجبكم تقبلوا تحياتي أحبتي https://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/smile.gif



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله الله عليك يامبدعة وشكرا لك وللي يعاونك هههههسلامي لها ، امممممممممممممممممممممم اكيد تشهييييييييي بارك الله فيك ياغالية

__________________________________________________ __________

>>>> الرد الثاني :

مممممممممممم هايلة
وقيلة نجي تقريني و خلاص
واش قلتي؟

__________________________________________________ __________

>>>> الرد الثالث :

يعطيكم الصحةةةةةةةةة لازو تعاوني ختي كي نكون حاصلة في الكوزينة والماعن ههههههههههه فيوزة فرحتيني بردك
باتيلا مرحبا بيك حبيبتي

__________________________________________________ __________

>>>> الرد الرابع :

يعطيك الصحة وراني وصيتك ماتاكليهاش قدام الارنب يسرقهالك ويخليك هكداك

__________________________________________________ __________

>>>> الرد الخامس :

الله يبارك حطة جزرة تاع الصح
بصحتكم