رولي مالح مع بعض المقبلات من مطبخي من مطبخي

عنوان الموضوع : رولي مالح مع بعض المقبلات من مطبخي من مطبخي
مقدم من طرف منتديات العندليب

https://im37.gulfup.com/5Vjwn.png

اهلا أحبتي ومساء الخير ونشاء الله حوالكم بخير أتيتكم اليوم برولي مالح مع بعض المقبلات ممكن تستفيدو من طريقة التقديم ومن الوصفات أنشاء الله نبدا بالرولي

الرولي عبارة عن ثلاث نكهات بثلاث ألوان
مقادير الخليط الاحمر :
- صفار بيضة
- 2 ملاعق صغيرة فلفل عكري حار
- نصف ملعقة ملح
- شووووي فلفل أسود
- ملعقة كبيرة حبنة طازجة طرية (( تقدري تعوضيها بكريمة سائلة ،la crème liquide ))
- ملعقة كبيرة فرينة
- ملعقة ص خميرة الحلوى
https://im37.gulfup.com/skQXd.jpg

https://im37.gulfup.com/Np7dF.gif

للخليط الاخضر :
- صفار بيضة

- ملعقة كبيرة فرينة
- ملعقة ص خميرة الحلوى
-ملعقة كبيرة حبنة طازجة طرية
- ملح
- ملعقة كبيرة سلق مرحي (( ذبلتو في شوي زبدة من بعد رحيتو ))
https://im37.gulfup.com/oddgj.jpg

https://im37.gulfup.com/Np7dF.gif

للخليط الابيض:
- صفار بيضة

- ملعقة كبيرة فرينة
- ملعقة ص خميرة الحلوى
-ملعقة كبيرة حبنة طازجة طرية
- ملح
- شوووي فلفل أسود
- كمية من الجبن العادي (( حوالي 2 مثلثات ))
- zest de citron
https://im37.gulfup.com/0v9Hl.jpg

هذا بياض 3 بيضات مخفوق مع قرصة ملح حتى يولي كي الثلج
https://im37.gulfup.com/9JHTB.jpg

كل خليط نخفقو مع المكونات نتاعو ومن بعد نضيفولو البياض كيما في الصورة
https://im37.gulfup.com/ZjxQX.jpg
https://im37.gulfup.com/rlQu3.jpg

حطي ورق الالمنيوم في الصينية
https://im37.gulfup.com/4wzFW.jpg

وحطي الخليط بهاذ الطريقة وحطيه في الفرن سخون 180°
https://im37.gulfup.com/ipSYN.jpg

الحشوة : جبن عادي + جبنة طازجة طرية ((أو PETIT SUISSE)) + مايونيز + زيتون مقطع
https://im36.gulfup.com/dLW6B.jpg

مت يديش الوقت في الطياب حوالي 10د خرجيها من الفرن وانزعي ورق الالمنيوم وبلي منشفة بالماء واعصريها وحطي الجينواز فوق المنشفة المبللة ورولي كيما الرولي الحلو عااااادي وخليها 5د
من بعد حليهاوحطي الحشوة كيما في الصورة وروليها حطيها في الثلاجة حتى وقت التقديم وقطعيها
https://im36.gulfup.com/bJmBN.jpg
https://im36.gulfup.com/P08ix.jpg

هاهو شكلها النهائي
https://im36.gulfup.com/Tr5R9.jpg
https://im36.gulfup.com/ZnOiR.jpg

قدميهامع السلطات
https://im36.gulfup.com/tgNvs.jpg


*اصابع الملفوف بالكرمب :
كرم مفور محشي بالطون ، جبن ، زيتون مقطع
https://im36.gulfup.com/Wkw1t.jpg

*كرم مفور مقطع بالمايونيز
https://im36.gulfup.com/DgjRV.jpg

*جزر مفور مرقد بصوص السلطة مع المعدنوس والثوم
قطعي الجزر شرائح وفوريه و حضري الصوص (( في كأس زيت ،كأس خل ، ملح حسب الحاجة ، فلفل أسود ، موطارد ، ثوم مقطعة صغيرة أو مهرسة )) من بعد ما تفور الزرودية وتبرد ملييح حطيها في بلارة أو علبة وخلطي معاها الصوص والمعدنوس مقطع وخليها في الثلاجة ليومين
https://im36.gulfup.com/i70xu.jpg

https://im37.gulfup.com/cMbDf.gif

لقيمات محشية بالجبن مقدمة مع الحميس :
مقادير العجينة :
500غ فرينة
بيضة واحدة
نصف كأس حليب دافي
ملح
م ك سكر
م ك خميرة الخبز
نصف فنجان زيت
ماء دافي لتكوين عجينة طرية
(( يمكنك اضافة الزعيترة ))
وخليها ترتاح لنصف ساعة من بعد أعجنيها غير شوي خذي كمية صغييرة من العجينة أفرديها في كف يدك حطي شوووي جبن وكوريها حطيها في الصينية مدهونة بالزيت ودهنيهم بالبيض وذرذري الجلجلاج او الحبة السوداء وخليهم 10د ودخليهم الفرة سخون 180° حتان يطيبو على مهلهم
https://im36.gulfup.com/vtwXI.jpg

بالنسبة للحميس :
كوسى ، بصل ، ثوم ، فلفل حار ، طماطم هاذو كامل مشويين على الطابونة عادي
من بعد نقيلهم القشرة وحطيهم كااااامل في الروبو واذا مكانش عندك قطعيهم بالسكين
كي دشيهم برك ماشي ترحيهم بزاف أضيفي لهم (( زيت الزيتون+ ملح + فلفل أسود + موطارد+ خل )) وخلطيهم خليهم يباتو ليلة كاملة في الصوص وقدميهم مع أي أكلة مممممممم
https://im32.gulfup.com/7zUOu.jpg
https://im32.gulfup.com/WDlXg.jpg

https://im37.gulfup.com/cMbDf.gif

شرائح البصل المقلية :
- قطعي البصل شرائح وحليهم على بعض يعني فرقيهم
- في وعاء حطي حليب منكه بالتوابل (( ملح، فلفل أسود ، كمون، فلفل عكري حار ))
- نقعي البصل في الحليب لمدة 3 ساعات كاملة باش متبقاش نكهة البصل القوية
https://im32.gulfup.com/maS5s.jpg
https://im32.gulfup.com/mHfFl.jpg

من بعد 3 سا حضري خليط لي راح تقلي فيه البصل
((2 بيضات ، 2 فناجين فرينة ،فنجان نشا ،ملح ، فلفل أسود ، فلفل عكري، كمون، 60مل حليب ، م ص خميرة حلوى ، نصف م ص بيكاربونات ))
https://im32.gulfup.com/9ufG4.jpg

هاهم بعد القلي راح يتنفخ
https://im32.gulfup.com/p1cWn.jpg
قدمتهم مع البوراك
https://im32.gulfup.com/mxWc4.jpg

https://im37.gulfup.com/cMbDf.gif

نتمنى يعجبوكم وتجربوهم خاصة في رمضان الكريم
https://im32.gulfup.com/PFCZB.jpg


https://im37.gulfup.com/OUxMt.gif



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك ويزيييييييييييد يامبدعة والله حقا ابداع

ومن فضللك حبيبتي اعطيني وصفة الجزر المرقد، والحميستاع الفلفل والطماطم عادي حابة طريقتك ضروري حبيبتي
وجزاك الله كل خير ياغالية ورزقك ما تتمنين

__________________________________________________ __________

>>>> الرد الثاني :

المشاركة الأصلية كتبت بواسطة فايزة44 https://3andlib.xplainer.net/images/...s/viewpost.gif الله يبارك ويزيييييييييييد يامبدعة والله حقا ابداع ومن فضللك حبيبتي اعطيني وصفة الجزر المرقد، والحميستاع الفلفل والطماطم عادي حابة طريقتك ضروري حبيبتي وجزاك الله كل خير ياغالية ورزقك ما تتمنين

https://3andlib.xplainer.net/images/smilies/dj_17.gifhttps://3andlib.xplainer.net/images/smilies/dj_17.gif لك ألف الف شكر وراني عدلت الموضوعوحطيت كيفية ترقيد الجزر اما الحميس راني حطيت الوصفة

__________________________________________________ __________

>>>> الرد الثالث :

يعطيك الصحـــــــــــه .... كل شيء يشهي

__________________________________________________ __________

>>>> الرد الرابع :

https://img443.imageshack.us/img443/...ermahmoxw4.gif

__________________________________________________ __________

>>>> الرد الخامس :

الاخت لي حابة الحميس على طريقتي

حميس الفلفل والطماطم :
4 حبات فلفل حلو
2 حبات فلفل حار
حبة كبيرة طماطم
4 فصوص كبار ثوم
هاذو كامل مشويين على النار في الطابونة
ملاحظة : الفلفل اشويه على نار قوية
الطماطم أشويها على نار هادية

نقيلهم القشرة نتاعهم وحطيهم في الروبو دشيهم برك واذا معندكش الرور قطعيهم بالسكين
في وعاء معدني ( طاوة) حطي الخليط وزيديلو (( نصف كأس زيت او زيت زيتون ، نصف كأس خل ، م ص موطارد ، ملح حسب الحاجة ، فلفل أسود ، كمون )) خليهم يغليو شوي فوق النار وحركيهم مرة على مرة لمدة 5د وطفي عليهم خليه يبرد شوي وخبيه في الثلاجة مع حفظها في علبة مغلقة
بالصحة والهناء