حصريا هريسة حااارة وعلى اصولها من مطبخي وبالخطوات المصور ....للمبتدئات طبق جزائري
عنوان الموضوع : حصريا هريسة حااارة وعلى اصولها من مطبخي وبالخطوات المصور ....للمبتدئات طبق جزائري
مقدم من طرف منتديات العندليب
السلام عليكم ورحمة الله تعالى وبركاته
والصلاة والسلام على سيدنا محمد وعلى آله وصحبه اجمعين
اليوم جبتلكم حااااجة فووووور وخاصة اني شفت انوا العديد يحوسوا على خدمتها ...اليوم جبتهالكم على الاصول وبالشان والطبع كيما نديرو حنا في بوسعادة في شتاء ماكانش دار معدهاش الهريسة الحمراء اااااام ...والحرارة الله الله
نبداو مع طريقة التحضير بسم الله
اتجيبو كونتيتي مليحة تاع فلفل الاحمر انت وحسب العائلة تاعك لا كبيرة ولا صغيرة ومن الاحسن تغسليه وهو هك>ا ك جعبات خير يتغسل احسن ممبعد تقسميه على 2 وتنحي الزريعة ولا تنحيها كيما انت موالفة وما تنسايش تلبسي اليقو راهي حارة بزاف
https://im40.gulfup.com/5l3go.jpg
https://im40.gulfup.com/t7Mog.jpg
تخلي الجعبات لي تلقايهم شوي خضورة ما تستعمليهمش خليهم بجيه مع جعبات حمورة عدة ايام راح يحماروا .....والجعبة لي تعود خاسرة وكحلة ماكالاه تديريها تحمضهالك
https://im40.gulfup.com/HXWP6.jpg
ومبعد انا هنا غسلتهم بعد ما نقيتهم لاخاطر جداتي قالتلنا راني غسلتهم ومبعد وحنا نقيو فيهم لقيتهم مش مغسولين عاودنا غسلناهم
https://im40.gulfup.com/NIzO9.jpg
وممبعد تحطيهم في كسكاس يقطرو ومبعد تضيفيلهم كمية لاباس بيها نتاعثوم وتحطيها تفور
https://im32.gulfup.com/Trck7.jpg
وتغطي جعباتك بساشي ولا غطاء وتخليه يفور وتبدا رحت الفلفل اح اح
https://im40.gulfup.com/2RPLl.jpg
مبعد هو يفور خلاص يعني الموس يعود يدخل فيه بسهولة تعرفيه فار تهزي كسكاسك وتحطيلوا الملح والكسبر اليابس مرحي اممم وارحي في الروبو لتسهيل العمل
https://im32.gulfup.com/2k410.jpg
https://im40.gulfup.com/s31nP.jpg
https://im34.gulfup.com/Ykl9u.jpg
ومبعد طول ارحي في رحاية اليد راح تخرجلك رطبة تهبل
https://im40.gulfup.com/6oEAq.jpg
وهنا ونتي ترحي في الرحاية خلي نتعود تخرجلك غير هك>ا يعني شوي برك حبسي ما ترحيش
https://im40.gulfup.com/6iBm4.jpg
ونحي الجلوف حطيهم بجيه وزيدي كملي بشوي بشوي نتكملي كامل الكونتيتي تاعك...ممكن تدبيري بيهم عيش ولا تليحيهم في مرقة الشخشوخة تحري بيهم
https://im32.gulfup.com/LkVND.jpg
وتحبي تزيدي ترحي في الصفاية الرقيقة باه ترطاب اكثر
https://im32.gulfup.com/Pw1Kb.jpg
لكن احنا جوزناها في الصفاية المتوسطة جات رطبة تهبل ماكالاه نقعد نعاود
وتقدميها تهبل تهبل سيرتو مع الفريت ولا حاجة تقطاس
https://im32.gulfup.com/ZeGwx.jpg
https://im32.gulfup.com/t9nAq.jpg
وماتنساوش تدعوا لامي بدعوة خير وجربوها والله خير ما تشروها ابن واضمن وخدمت يديك خير من المعلبة
ملاحظة: قد ما كان الفلفل احمر قد ماجات حمرة .....وثانيك لافارلك الفلفل بزاف راه تجيك اوغونج مايل للحورة مش حمرة هاك سما لا تحبيها اوغونج ولا حمرة
وهذي الهريسة صبريها قد ما حبيتي مثلا في علب الياؤورت الفارغة وكيتجبديها حطي طاوة تاع ماء على النار وعلبة الياؤورت لفيها هريستك فيه شغل حمام مائي ...وهنا ما نضيفولها ني زيت ني ماء باسكو هاذو يخسروها يصعد الماء الفوق وما تبقى رطبة ...انا هنا قلتلكم كامل الوصفة نتمنا نلقا تفاعل وردود
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك
__________________________________________________ __________
>>>> الرد الثاني :
يعطيك الصحة اختي سماسم
مواضيعك رائعة لكن صعبة ف التصفح لانك متصغريش الصور
ادخلي هنا تتعلمي كيفية تصغيرها
https://www.djelfa.info/vb/showthread.php?t=1373319
__________________________________________________ __________
>>>> الرد الثالث :
بارك الله فيك
__________________________________________________ __________
>>>> الرد الرابع :
119 مشاهد..... والرد ماكانش بزاف وينراهم محبي الحار
__________________________________________________ __________
>>>> الرد الخامس :
يعطيك الصحة انا نديرها بطريقتك بالصح بالفلفل الاخضر و اكيد راح نجربيها حمرا كيما تاعك شكرااااااااااااااا
