طاجين اللحم المرحي والفرماج مع البطاطا طريقة جزائرية
عنوان الموضوع : طاجين اللحم المرحي والفرماج مع البطاطا طريقة جزائرية
مقدم من طرف منتديات العندليب
مرحبا بكم اخواتي حبيت نشاركم في هاذي الوصفة لانها من احسن الاطباق ليحبوها عائلتي
المقادير هي كالتالي : تقلي في شوي الزيت لحم مرحي حوالي رطل اونصف رطل حسب عدد العائلة مع نصف راس بصل مقطعة مكعبات صغيرة + شوي معدنوس + شوي فلف اسود + شوي ملح تحطي خليط في جهة
المقادير الاخرى حوالي 4 حبات بطاطا كبار مقلية على شكل دوائر + 8حبات بيض
لصوص بيضاء : نصف راس بصل مع شوي ملح وفلفل اسود وقليل من زيت وزوج كيسان ماء كي تغلي لصوص ديري فيها اللحم المرحي لي قليتيه من قبل وخليه على النار مع اضافة 6 حبات فرماج النوع لي تحبوه وخلي لصوص تخثار حتان تولي عاقدة خليها بجهة خذي صينية نتاع الفرن ديري 4حبات بيض مع شوي معدنوس وقليل من الملح متكثريش خلطيهم وديرهم في الصينية وديري البطاطا المقلية فوق البيض البيض يكون نيء ثم زيدي اللحم المرحي لي درتيه مع الفرماج في لصوص ثم زيدي بطاطا مقلية ثم 4 حبات بيض مع شوي معدنوس وشوي ملح وادخليهم الى الفرن
ملاحظة : كمية الملح نتي لي تتحكمي فيها متكثريش بزاف باش مايجيكش مالح بزاف خصوصا في خليط اللحم المرحي والفرماج ولصوص خطراه لصوص تعقاد والفرماج راهو مالح يمكن ايضا استبدال الدجاج بدلا من اللحم طيبي الدجاج في صوص بيضاء كي تخثارلصوص ثم فتي الدجاج نتاعك وديري الفرماج حتى يعقاد الصوص والخطوات الاخرى راهي مكتوبة
ابالنسبة لصورة النهائية نتاع الطبق تمحاتلي ملقيتهاش اسمحولي لاشة شوفو الخطوات بلاكش تفهمو مليح
صورة الصوص الخاثرة نتاع الدجاج مع الفرماج انا استعملت الدجاج هو لي كان متوفر عندي
https://im83.gulfup.com/yJONJH.jpg
الطبقة الاولى بيض في الصينية
https://im67.gulfup.com/wZIlwx.jpg
الطبقة الثانية بطاطا مقلية
https://im53.gulfup.com/6B5xmh.jpg
الطبقة الثالثة صوص نتاع الدجاج والفرماج خاثرة
https://im59.gulfup.com/wpnSsH.jpg
الطبقة الاخيرة بطاطا مقلية فوقها بيض
https://im43.gulfup.com/swZm25.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا اختي على الوصفه
__________________________________________________ __________
>>>> الرد الثاني :
شكرا على هذه الوصفة عندي بعض الأسئلة هل اللحم نرمه كويرات ولا هكداك وكي ندره في صينية نرمه بلمرق تع
__________________________________________________ __________
>>>> الرد الثالث :
يعطيك الصحة باين بنين هاذا يشبه لطاجين الجبن الي نطيبو بنيييين
__________________________________________________ __________
>>>> الرد الرابع :
الله يعطيك العافيه
__________________________________________________ __________
>>>> الرد الخامس :
Bayna bnina yatik essaha nedjarabha ou nradlak khbar
