سلطة الخضار الحارة المطبخ الجزائري
عنوان الموضوع : سلطة الخضار الحارة المطبخ الجزائري
مقدم من طرف منتديات العندليب
السلام عليكم
صح فطوركم اخواتي
تفضلو هد السلطة البنينة
500غ لوبيا خضراء
500 غ بطاطا بيضاء
2 حبات بصل كبيرة
3 حبات فلفل حار او اكثر حسب الذوق
2 حبات فلفل حلو او اكثر حسب الذوق
2 حبات طماطم
3 سنات ثوم
ملح فلفل اسود وراس الحانوت (كون، كروية، زريعة البسباس، جوزة الطيب، حبة الحلوى) كسبر مرحي
2 مغارف زيت زيتون و2 مغارف زيت عادية ومغرفة خل ابيض
معدنوس وجبن اي نوع وممكن تزيدي البيض انا مزدتش
طريقة التحضير اعسلي اللوبيا قطعيها طويلة وديريها داخل ماء يغلي مع رشة ليمون بلا متغطيها باش تحافض على لونها الاخضر الجميل من جهة اخرى قطعي البطاطا براج طويلة كيما اللوبيا متكونش رقيقة بزاف واقليها في الزيت
من جهة احرى فطعي البصل جوانح رقيقة والفلفل بالطول والثوم رابيه في مفلاة حطي الزيت العادية وزيت الزيتون والبصل والفلفل ورشة ملح وفلفل اسود وراس الحانوت والكسبر المرحي ونغطيهم ونخليهم يتقلاو على نار هادئة في هاد الوقت نكونو نقطعو الطماطم جوانج رقيقة ونزيها بهي بماها ونزيد الخل والثوم ونخلي الكل يتقلا مليح من بعد نحط عليخم اللوبيا نقليهم مليح مليح باش تجي بنينة واخيرا نزيد البطاطا نقلبها شويا من بعد نزيد المعدنوس والجبن المقطع مكعبات صغار واذا حبيتي تزيدي البيض وخليها بعض الدقائق على النار وطفيها وبالصحة
https://im77.gulfup.com/bsinPl.jpg
https://im77.gulfup.com/5vNM0l.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة نبان تشهي
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
يعطيك الصحة اختي
__________________________________________________ __________
>>>> الرد الرابع :
شكرا صحة فطورك روعاااااااااااااااااااااااااااااااااااااااا
__________________________________________________ __________
>>>> الرد الخامس :
يعطيك الصحة
