معقودة او سفيرية بالبطاطا واللحم المفروم -من مطبخي طريقة جزائرية

عنوان الموضوع : معقودة او سفيرية بالبطاطا واللحم المفروم -من مطبخي طريقة جزائرية
مقدم من طرف منتديات العندليب

السلام عليكن حبيباتي
حبيت نقدملكم سفيرية بطريقتي الخاصة واللي ممكن تتعمل على طريقتين الاولى مقلية وتجي امممممممممممممم والثانية للفرن نزولا عند رغبات حبيباتي اللي يعملو ريجيم كيما طلبت مني الغالية ام ايمن وايمان مالا تبعو معايا

اولا حضري كمية من البطاطا ممكن كيلو تنقيها وتسلقيها 10 دقائق لا اكثر مالازمش تطيب لازم تكون ربع طياب فقط خليها تبرد مليح وابرشيها من الجهة الرقيقة نتاع الثوم وقطريها مليح مليح من الماء اللي فيها انا نحطها في كسكاس ونضم عليها حتى تتعصر مليح زيديلها لحم مفروم نيء حسب الرغبة ممكن شي 200غ ل1كلغ من البطاطا وزيديلها 2 حبات ثوم مرحية +ملح وفلفل اسود +معدنوس مقطع ولا سلق مفور شوية برك ومقطع صغير


https://fbcdn-sphotos-d-a.akamaihd.n...05268494_n.jpg

لمي الكل مع بعض وزيدي بيضة ولا 2 حتى يتجمل الخليط ويولي كي العجينة

https://fbcdn-sphotos-c-a.akamaihd.n...27873316_n.jpg

شكلي كويرات وابسطيها بكف اليد

https://fbcdn-sphotos-b-a.akamaihd.n...67180326_n.jpg

كملي مع كل الكمية وحطي الحبات في سنيوة مدهونة شوية برك ودخليهم للكونجي لاتور 20د حتى تتماسك وماتتعبيش معاها كي تجي تغلفيها

كي تخرجيها اغطسيها في بيض مخفوق ثم غلفيها مليح مليح بالخبز المرحي او الشابلير حتى تجي مقرمشة

https://fbcdn-sphotos-c-a.akamaihd.n...33035683_n.jpg

https://fbcdn-sphotos-e-a.akamaihd.n...95353478_n.jpg

هنا عندك الاختيار اما تحطيها في مول مدهون بشوية فقط زيت وتدخليها للفرن على 180درجة حتى تستوي من الداخل وتتحمر وتتقرمش من برا

https://fbcdn-sphotos-a-a.akamaihd.n...51607873_n.jpg

ولا تعملي كيما انا لان زوجي يحبها مقلية
تحطي الحبات في زيت غزير على نار هادئة مالازمش تقوي النار حتى تطيبلك من الوسط وتحمريها من الجيهتين

https://fbcdn-sphotos-g-a.akamaihd.n...02470257_n.jpg

تحطيها فوق ورق ماص

https://fbcdn-sphotos-g-a.akamaihd.n...28066336_n.jpg
وتقدميها مع صوص بيضاء بالزيتون ولا بالحمص كيما اللي عودتكم عليها
ولا تقدميها مع سلطة وتجي روعة خاصة في شهر رمضان والاولاد يموتو عليها

https://fbcdn-sphotos-b-a.akamaihd.n...10203625_n.jpg

https://fbcdn-sphotos-e-a.akamaihd.n...72910369_n.jpg

حبيباتي رني نستنى آراءكم وتقييماتكم واكيد تطبيقاتكم كيما عودتوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وصفة هايلة خاصة في رمضان امممممممممممم

__________________________________________________ __________

>>>> الرد الثاني :

المشاركة الأصلية كتبت بواسطة oum radja https://3andlib.xplainer.net/images/...s/viewpost.gif وصفة هايلة خاصة في رمضان امممممممممممم

حبيبتي ام رجاء شكرا على المرورhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gif

__________________________________________________ __________

>>>> الرد الثالث :

حنونتي روعة الله يبارك عليك وتاكلوها بالصحة ولهنا

__________________________________________________ __________

>>>> الرد الرابع :

أمْ،راهي تشهي يعطيك الصحة باينة بلي بنينة
موالفة نديرها بالصح بلا لحم مرحي بالصح المرة الجاية نديرها كيما تاعك خصوصا في شهر رمضان ان شاء الله وندعيلك أكيد
صحيتي اختي ربي يفرحك ويهنيك مع زوجك

__________________________________________________ __________

>>>> الرد الخامس :

هايلة تعيشي حنونة