غراتان بالجلبانة و البطاطا من مطبخي
عنوان الموضوع : غراتان بالجلبانة و البطاطا من مطبخي
مقدم من طرف منتديات العندليب
السلام عليكم جبتلكم طبق خفيف ويجي بنين وإن شاء الله يعجبكم :d
نحضر مرقة بالجلبانة وصدر دجاج او اي اطراف من الدجاجة:
في طنجرة حطي زيت+بصل+ثوم (اختياري كيما أنا منبغيش نديره في هادا الطبق ) +صدر نقلي مليح ,نضيف ملح +فلفل اكحل +قرفة ، ونبغي نزيد نضيف النجمة وإذا ماعندكش ماعليش, نمرق ونضيف الجلبانة ونخليها حتى يطيب الدجاج , نصفي الجلبانة وصدرالدجاج ونبدا طبقات الغراتان واذا حبيتي تضيفي معاه جزر مقطع مربعات صغيرة راه تاني يجي حلو وبنين
نفتت الصدر نضيفلو الزيتون اخضر مقطع وشوية معدنوس وقطع من الجبن + بطاطا مقلية مكعبات + الجلبانة الطايبة , في مول مدهون بالزبدة نحط الجلبانة ثم خليط اللحم ثم البطاطا ناخذ كمية من المرقة نزيدلها 5 بيضات ،ملح وفلفل اكحل ونضرب بالفرشيطة ونفرغها فوقهم و ندخل المول الى الفرن نتركو حتى ينشف ثم نضيفلو فرماج رابي
بعدما يبرد نقطع الغراتان بالشكل اللي نحب ونقدمو ناشف كمقبلة او مع المرقة وقطع من الدجاج يكون محمر وشرائح الليمون
وشهية طيبة :d
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممممم باين يشهي
شكرا ليك اختي على الوصفة
جزاك الله كل الخيرhttps://3andlib.xplainer.net/images/smilies/mh31.gif
__________________________________________________ __________
>>>> الرد الثاني :
العفو أختي ربي يجازيك كل خير ويبارك فيك
صح يجي بنين وهاك نوعو شوية من طاجين الجلبان والمحمر بالجلبان
__________________________________________________ __________
>>>> الرد الثالث :
بارك الله فيك وشكرا على الوصفة باينة تشهي يعطيك الصحة
__________________________________________________ __________
>>>> الرد الرابع :
الله يبارك فيك وفي عمرك ويخليك شكرااااااا لك
__________________________________________________ __________
>>>> الرد الخامس :
شكرا لك اختي الكريمة على الوصفة ...
