بيتزا ديريها و عينيك مغمضين طبخ جزائري
عنوان الموضوع : بيتزا ديريها و عينيك مغمضين طبخ جزائري
مقدم من طرف منتديات العندليب
السلام عليكم
هاذي الوصفة تاعي تع البيتزا ديريها و ما تندميش
راهي خفيفة و بنينة تسخف خسارة ما عنديش التصاور
المقادير(2 خبزات)
500غ فرينة
2 مغارف تع ماكلة سكر
3 مغارف تع ماكلة حليب غبرة (لازم غبرة)
1 بيض
كاس تاي تع الزيت
ملح
1 مغرف تع ماكلة خميرة الكسرة
ماء دافيء
الصلصة
الطماطم+بصلة (الحجم على حساب كمية الطماطم) ضيفيلهم شويييييييييية سكر باه تنحي الحموضة يتقلاو في شوية زيت (الطماطم ما لازمش تنشف بزاف)
طفي النار و زيديلها شوية ثوم و دبشة+ملح+ فلفل اكحل (التوابل كيما حبيتي)
التحضير
خلطي كلش(فرينة+ملح+ سكر+حليب غبرة+خميرة) ومبعد زيدي الزيت والعضمة دخليهم مليح و مبعد لمي بالماء الدافئ حتى تتحصلي على عجينة طرية شوية
أعجنيها غير شوية و خليها تطلع
مبعد فشيها و اقسميها على زوج و زيدي خليها ترتاح شوية
حليها وديريها في بلاطو مدهون بالزيت مرشوش بالفارينة
حطي فقط الصلصة تع الطماطم و زيدي حبيبات زيتون اسود يمدلها arrière gout هايل
و مبعد انتي و طيابك لازم اطيب على نار قاوية شوية
كي تحمار من تحت انا نخرجها ونزيدلها التونة و نشقف فوقها عضمة (مخلطة) و منبعد نرابي الفرماج
رجعيها للفرن شعليه من فوق قيس ما تنشف العضمة و نحيها.
و شهية طيبة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
meeeeeeeeeerci
__________________________________________________ __________
>>>> الرد الثاني :
شكرا رايحة نديرها العشية ونجرب فكرتك نتاع حليب غبرة
__________________________________________________ __________
>>>> الرد الثالث :
هدا اول رد لاول مشاركة ليا
شكرااااااااااااااا
__________________________________________________ __________
>>>> الرد الرابع :
ان شاء الله ما تندميش عليها و ما تنسايش الطياب على نار شوية قاوية
__________________________________________________ __________
>>>> الرد الخامس :
بارك الله فيك
