عنوان الموضوع : وصفة مايونيز Lesieur محضرة في المنزل المطبخ الجزائري
مقدم من طرف منتديات العندليب
السلام عليكم ، راني كنت حطيت موضوع فيه وصفة مليحة نتاع مايونيز خفيفة و بنينة و لكن بقى الطعم نتاعها يبان باللي مصنوعة في البيت وهذا رابط الوصفة : https://www.djelfa.info/vb/showthread.php?t=1197567
كل ما يكون عندي بيضة فاضلة نجرب نبدل في الوصفة ونجرب لعلني نلقى السر ، الكوزينة حولتها إلى مختبر تجارب ههههhttps://3andlib.xplainer.net/images/smilies/biggrin.gif، وبقيت مصممة نلقى السر https://3andlib.xplainer.net/images/smilies/mad.gif وبعد عناء طويل البارح لقيت الوصفة المثالية اللي تعطيني طعم 99 بالمائة طعم مايونيز Lesieur اللي تتباع واللي كامل نحبوها https://3andlib.xplainer.net/images/smilies/cool.gif.
https://www.up.djelfa.info/uploads/136015286796521.jpg
الوصفة الجديدة راهي ماتختلفش بزاف على الوصفة القديمة في المكونات و لكن الاختلاف في الطعم واضح و كأنها المايونيز اللي تتباع و ليست محضرة في البيت https://3andlib.xplainer.net/images/smilies/19.gif.
طولت عليكم باش نشوقكم شوفو التعديل في الوصفة :
المقادير :
1- بيضة كاملة طازجة و بحرارة الغرفة
3/4- كاس متوسط زيت
2- ملاعق كبيرة سكر ( من الأحسن sucre glace )
1- ملعقة صغيرة ملح
1- كاس كبير ماء
4- ملاعق كبيرة نشاء
3 ملاعق كبيرة عصير ليمون
* القليل من مبروش الليمون ( اختياري ) ZEST
5- حبات جبن
الكيفية :
* حطي الماء البارد + النشاء في إناء وحركيه مليح و صفيه و حطيه في كاسرول على النار و حركي بسرعة و باستمرار بواسطة مضرب يدوي حتى يثقال الخليط مليح و يصبح مثل الغراء، طفي عليه النار و خليه.
الصور توضح أكثر :
هنا خلطت الماء البارد و النشاء جيدا ، حتى تحصلت على خليط بلون الحليب
https://www.up.djelfa.info/uploads/136039835201511.jpg
هنا صفيتو ، شوفو الصفاية ما فيها والو لأن الماء البارد النشاء ذاب كامل
https://www.up.djelfa.info/uploads/13603983520542.jpg
لما يغلي الخليط يتحول من اللون الأبيض إلى لون شفاف ذو قوام مثل الهلام ، أثناء طهي الخليط لازم تحركوه بواسطة الضراب اليدوي و بسرعة حتى لا يتكتل النشاء
https://www.up.djelfa.info/uploads/136039835225623.jpg
شوفو كيفاش جامد
https://www.up.djelfa.info/uploads/136039844509651.jpg
* حطي البيضة في العجانة ( لأن السرعة وقوة الخفق نتاع العجانة أكبر من الباتور ، وإذا ماعندكش عجانة استعملي الباتور و حطيه في السرعة القصوى ، لكن العجانة تعطيك أحسن نتيجة) ، اخفقي البيضة بالسرعة القصوى ( الهدف من هذا هو الحصول على مايونيز خفيييف ) .
* لما يطلع البيض مليح أكرر حتى يطلع مليح و يصبح مثل الكريمة الثقيلة ماشي رغوة خفيفة، أضيفي الزيت قليلا قليلا على شكل خيط رفيع.
* أضيفي عصير الليمون مبروش الليمون le Zest + الملح+السكر ، مع الخفق.
* أضيفي خليط النشاء و اخفقي .
* أضيفي الجبن واخفقي .
أفرغي المحتوى في إناء وأحكمي إغلاقه و ضعيه في الثلاجة .
- ملاحظة:
- لا يستهلك مباشرة ، لازم يبرد في الثلاجة على الأقل 1-2 ساعة باش ما يضرش لما يكون سخون.
- حضري دائما كمية قليلة من المايونيز واحتفظي به في الثلاجة ، يعني لما تستعمليه رجعيه مباشرة إلى الثلاجة وحافظي عليه دائما بارد ،لأن المايونيز المنزلي يفسد بسرعة فهو لا يحتوي على مواد حافظة.
- هذه الوصفة تحتوي على كمية زيت أقل من الوصفات الأخرى و تحتوي على بياض البيض اللي يخلي المايونيز خفيف.
- لما تستعملي العجانة رايحة تختصري الوقت وتتحصلي على النتيجة المثالية ( حوالي 10دقائق و انتهى )
شوفو شحال جامدة و حاكمة روحها و ماشي جارية ، تماما كيما اللي تتباع :
https://www.up.djelfa.info/uploads/136014268332542.jpg
شوفو كي هزيتها في الهواء كيفاش جامدة :
https://www.up.djelfa.info/uploads/13601426831231.jpg
شوفو بيضة دارتلي كمية كبيرة مع أن البيضة اللي استخدمتها صغيرة تقولها بيضة نتاع حمام هههه
https://www.up.djelfa.info/uploads/136015433266883.jpg
شوفو واش درت بيها البارح :
https://www.up.djelfa.info/uploads/136015324053942.jpg
جربوه و ردولي بالخبر ، راني نستنى في تطبيقاتكم .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة اختي يبان كيفو
__________________________________________________ __________
>>>> الرد الثاني :
يعطييك الصحة يبان هاايل
__________________________________________________ __________
>>>> الرد الثالث :
اكيد بنين عندي اسئلة تلقايهم في الموضوع الاول
__________________________________________________ __________
>>>> الرد الرابع :
شكرا أختي بصراحة أنا ما نشريش المايوناز نبغي تاع الدار و أكيييد رايحة نجرب الوصفة تاعك
__________________________________________________ __________
>>>> الرد الخامس :
المشاركة الأصلية كتبت بواسطة ام ولي https://3andlib.xplainer.net/images/...s/viewpost.gif
يعطيك الصحة اختي يبان كيفو
الله يسلمك ، جربوه ما تخافوش ، فقط اتبعوا التعليمات
المشاركة الأصلية كتبت بواسطة لمسة حنية https://3andlib.xplainer.net/images/...s/viewpost.gif
يعطييك الصحة يبان هاايل
ربي يخليك ، شكرا على مرورك
