مايونيز خفيف و زاكي كيما اللي يتباع من مطبخي
عنوان الموضوع : مايونيز خفيف و زاكي كيما اللي يتباع من مطبخي
مقدم من طرف منتديات العندليب
هاذي المقادير :
1- بيضة كاملة طازجة و بحرارة الغرفة
1- كاس متوسط زيت
1- ملعقة صغيرة سكر ( من الأحسن sucre glace )
1- ملعقة صغيرة ملح
2- كاس ماء
4- ملاعق كبيرة نشاء
* خل أو عصير ليمون حسب المتوفر لديك ( الأحسن عصير الليمون لأنه رايح يخلي عطر و ذوق مليح أحسن من الخل )
* فلفل أسود
* من 1-2 فص ثوم
* القليل من مبروش الليمون ( اختياري ) ZEST
1- ملعقة صغيرة خردل (اختياري )
4- حبات جبن ( ممكن أكثر او أقل أو الاستغناء عنه ، لكن هذه الإضافة تجعل من الوصفة جدا لذيذة )
الكيفية :
* حطي الماء + النشاء في طاوة على النار و حركي بسرعة و باستمرار حتى يثقال الخليط ، طفي عليه النار و خليه.
* حطي البيضة في العجانة ( لأن السرعة وقوة الخفق نتاع العجانة أكبر من الباتور ، وإذا ماعندكش عجانة استعملي الباتور و حطيه في السرعة القصوى ) ، اخفقي البيضة بالسرعة القصوى ( الهدف من هذا هو الحصول على مايونيز خفيييف ) .
* لما يطلع البيض مليح و يصبح مثل الكريمة الثقيلة أضيفي الزيت قليلا قليلا على شكل خيط رفيع.
* أضيفي الثوم+الخل أو الليمون +الفلفل الأسود +مبروش الليمون le Zest + الملح+السكر ، مع الخفق.
* أضيفي خليط النشاء و اخفقي .
أفرغي المحتوى في إناء وأحكمي إغلاقه و ضعيه في الثلاجة .
- ملاحظة: 1 بيضة واحدة راهي الديرلك كمية كبيرة ، أنا بيضة متوسطة حصلت منها على مقدار بلارة نتاع حمص كبيرة معمرة https://3andlib.xplainer.net/images/smilies/cool.gif.
- حضري دائما كمية قليلة من المايونيز واحتفظي به في الثلاجة ، يعني لما تستعمليه رجعيه مباشرة إلى الثلاجة وحافظي عليه دائما بارد ،لأن المايونيز المنزلي يفسد بسرعة فهو لا يحتوي على مواد حافظة.
- هذه الوصفة تحتوي على كمية زيت أقل من الوصفات الأخرى و تحتوي على بياض البيض اللي يخلي المايونيز خفيف.
- لما تستعملي العجانة رايحة تختصري الوقت ( حوالي 10دقائق و انتهى )
جربوه و ردولي بالخبر ، راني نستنى في تطبيقاتكم https://3andlib.xplainer.net/images/smilies/34.gif .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فكرة مليحة وساهلة رايحة نجربو ان شاء الله ونردلك الخبر شكرااااااااااااااااااااااااااااااااااااااااااااا
__________________________________________________ __________
>>>> الرد الثاني :
شكر جزيلا للطرح القيم...
__________________________________________________ __________
>>>> الرد الثالث :
merci ma soeur
ya3tik saha
__________________________________________________ __________
>>>> الرد الرابع :
Merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiii
__________________________________________________ __________
>>>> الرد الخامس :
شكرااااااااا رايحة نجرب
