من تعرف الزيراوي المطبخ الجزائري
عنوان الموضوع : من تعرف الزيراوي المطبخ الجزائري
مقدم من طرف منتديات العندليب
السلام عليكم من تعرف كيف يصنع الزيراوي يشبه الرفيس الا انه يصنع من كسرة وتمر ....هو مشهور في منطقة باتنة وبالاخص في منطقة اريس وشكرا مسبقا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم...
أنا من باتنة،وسأحاول مساعدتك أختي بقدر الامكان .
هناك نوعان من الزيراوي:
النوع الأول الذي تقصدينه خاص بمنطقة آريس : يصنع بالتمر المرحي (الغرس) و الرقاق (يعني شخشوخة الطاجين)راهو صعيب شوية
النوع الثاني يصنع بالكسرة لكن بدون تمر، تعملي كسرة أو خبز مبسس بزاف بالزيت كي يطيب ترحيه وتفوريه ثلات مرات وكل مرة ترشيه بماء زهر والحليب . كي يفور للمرة الثالثة تزيديلو العسل مع الزبدة دايبة (الخليط تسخنيه)وبالصخة والعافية
__________________________________________________ __________
>>>> الرد الثاني :
بارك الله فيك اختى h-hakima08 على المساعدة ولكن الذي تذوقته صنع من كسرة وتهرس بالمهراس ونضيف لها الغرس ولا ادري ما هي بقية المكونات
__________________________________________________ __________
>>>> الرد الثالث :
ايه صح سمعت بيه وذقته عند بنت عمي متزوجة خنشلي وجابوهولها دار شيخها بصراحة حلو ياسر ما قدرتش ناكلو فيه الغرس والرقاق تاع الكسرة والباقي لا ادري
__________________________________________________ __________
>>>> الرد الرابع :
أختي ، أظنك تتكلمين على طمينة الكسرة (هذا هو الاسم الشائع لها مع ان البعض يعتبرونها نوع من الزيراوي)
طريقتها سهلة جدا : تحضري كسرة رخسيس تكون مبسسة مليح وتهرسيها بالمهراس مليح ، اضيفي لها الغرس ومحريه مليح مع الكسرة المهرسة ولمي بالزبدة
بامكانك اضافة شية عسل اذا حبيتي تجيك الطمينة حلوة.
__________________________________________________ __________
>>>> الرد الخامس :
السلام عليكم
أختي الكريمة رفيس الزيراوي يتخدم من كسرة معجونة (دقيق+زيت+ملح+ماء و تعجنيها) كي تطيبي الكسرة هرسيها في المهراس رقيقة و اذا حبيتي تجيك نفس الحجم فوتيها في سيار خشين جيبي الغرس نقيه و فوريه و حطي الكسرة المهرسة عليه و هو سخون و زيدي زبدة ذايبة ساخنة و إذا حبيتي ديري هذا الكل فوق النار و خلطي مليح حتى يدخل كلش في بعضاه و يصبح اللون قهوي فاتح
https://hero-share.com/download/1035...o0057.jpg.html
و هذا شكلوا راني درتوا قبل أمس راهوا بارد ضرك نزيدلوا شوية زبدة و نحطوا فوق النار يرجع كأنه جديد
