بغرير لذيذ وخفيف ومثقب زي الشهدة طريقة جزائرية
عنوان الموضوع : بغرير لذيذ وخفيف ومثقب زي الشهدة طريقة جزائرية
مقدم من طرف منتديات العندليب
السلام عليكم حبيباتي هذا اول موضوع لي في لمنتدى
البارح درت البغرير احنا في الشرق نقولو القرصة أو الغرايف المهم جاء رائع جدا
وراني طيبتوا في المقلاة برك وجاء هايل علابالي في الطاجين احسن المهم اليكم الطريقة
الخطوات الأولى كي بليت العجينة وعجنتها ما صورتهاش المهم تحطي السميد (من نوعية مليحة ) لانو نوعية السميد تعمل دور في نجاح البغرير انا ندير لكل خبزة تاع كسرة مغرف قهوة خميرة فورية وندير شوية زيت حوالي مغرف كبيرة زيت وشوية ملح المقادير نديرها بعيني يعني ماشي بمقياس ثم نبلها مثل الكسرة ونخليها ترتاح حوالي نصف ساعة ونعجنها حتى تولي رطبة وطرية واذا لزم الامر نزيد الماء دافئ وباقي الخطوات باللصور
https://img103.herosh.com/2016/11/28/685027373.jpg
https://img103.herosh.com/2016/11/28/166967019.jpg
https://img104.herosh.com/2016/11/28/834134836.jpg
https://img105.herosh.com/2016/11/28/608848812.jpg
https://img104.herosh.com/2016/11/28/362278398.jpg
https://img105.herosh.com/2016/11/28/509452812.jpg
https://img102.herosh.com/2016/11/28/931258188.jpg
https://img102.herosh.com/2016/11/28/487144049.jpg
https://img103.herosh.com/2016/11/28/317937956.jpg
https://img102.herosh.com/2016/11/28/883729224.jpg
وللأمانة راني حطيت حوالي ملعقة صغيرة خميرة الحلوى قبل ما نطيبوا وخليتوا حوالي 10د ثم طيبتوا وهذا سر الخفة تيعو بصح مرات ما نحطش كي نلقاه
مثقب ما نحطش الخميرة تاع الحلوى بصح هي تخليه خفيف بزاف وما تكثروش منها لانها تجري الخليط وحطوها قبل ما تطيبوا ب5 او 10د لانها سريعة المفعول
ونصيحة اخرى لكان كنتو راييحن تحطو الخميرة تاع الحلوى اتركوا المزيج ثقيل لانها تتفاعل وتطلق المزيج يعني كي تحطوها يجرا
السلام عليكم ورحمة الله وبركاته
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
mmmmmmmmmmmmmmmmmmmmmmmmm bniiiiiiiiiiiiiiiiiiiiiiiiin
__________________________________________________ __________
>>>> الرد الثاني :
جاك رووووووووووووعةhttps://3andlib.xplainer.net/images/smilies/19.gif ممكن الطريقة
__________________________________________________ __________
>>>> الرد الثالث :
شكرا على الردود صابروني حتى نخلص نحمل الصور في موقع التحميل ونكتب عليهم اسمي واسم منتدانا العزيز وطبعا نحطلكم كل شيئ بالصور شكرا ام محمد ميدو على بالك نحبك بزاف واستفدت منك بزاف حبيت نتعرف بيك معرفتش كيف ماه نتصل بيك على الخاص لكي اعطيكي حسابي في ال س ك ا ي ب؟؟؟
__________________________________________________ __________
