وينكم يا نسا الشرق على الملوخية طبخ جزائري
عنوان الموضوع : وينكم يا نسا الشرق على الملوخية طبخ جزائري
مقدم من طرف منتديات العندليب
انا درت عشاية ملوخية نكمل نطيب الكسرة وبعد نجي نعتلكم الطريقة تاعي يله انتم كل واحد يكتب طريقتو بعد نجيكم.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
غدوة نشالله نديرلكم الكيفية تاعي تاع الملوخية وانتم ثان قلولي على الكيفيات تاعكم لانها عندها اكثر من طريقة انا عندي طريقة وامي ربي يحفضها عندها طريقة غدوة نشالله درك راني لاتية .
__________________________________________________ __________
>>>> الرد الثاني :
يطيك الصحة ختي و بصحتكم
أنا منقولكش كيفاش نطيبها
لخطرش جامي طيبتها و لخطرش منحبهاش
يصح نتعلمها منك بالاك يكتب ربي و نديرها و لا نفيد بيها كاش وحدة في منطقتنا
الأم تاعك باينة أنوشة كي طيب الملوخية ربي يطول في عمرها
__________________________________________________ __________
>>>> الرد الثالث :
نقدملك طريقتي تقلي اللحم تاعك مع الزيت و التوبل عادي +حبة طماطم مرحية+مغرف طماطم مصبرة(لا حبيتي)
ومن جهة اخرى تاخذي الموخية وتضيفيلها الزيت حتى تولي كالكريمة و تحركيها على نار هادئة حتى تعمل فقعات ـ تقليها ـ
بعد ما تقلى اللحم ضيفيلو الملوخية المقلّية و امرقي بالماء الساخن مرة وحدة تقريب ( 2 لتر)
تطيبيها على نار متوسطة و تحركي مرة على مرة باش ما تلصقش كيتشوفي الزيت بدأت تطلع على سطح الملوخية يعني راها كملت الطياب انشاء الله تكوني فهمتي عليا أختي
وبصـــــحــــتـــك
__________________________________________________ __________
>>>> الرد الرابع :
اختي هذه طريقة من طرق عمل الملوخية انا عملتها وصورتها والعشية نشااله نجيبهالكم لانو مانقدرش ندير اكثر من موضوع خلال 24 ساعة وشكرا.
__________________________________________________ __________
>>>> الرد الخامس :
bsahtkem khti, ana nmouuuttt 3la lemloukhia ma3roufin biha nas guelma.
