فتيل طعام الحموم طريقة جزائرية
عنوان الموضوع : فتيل طعام الحموم طريقة جزائرية
مقدم من طرف منتديات العندليب
https://store2.up-00.com/Mar12/rF280083.jpg
https://store2.up-00.com/Mar12/WBu80125.jpg
مرحبا لكل من يدخل و اليوم جبتلكم طعام الحموم و نهديه لنسيبتي الغالية أم ميدو اللي رجعتنا و نقوللها توحشتك بزاف حتى و راكي معانا و مازلت متوحشاتك
حنا هذا الطعام ناكلوه بزاف و كاين اللي يديرو عولة كيما الطعام الأبيض
يجي لونو قريب للبني بصح داكن عليه و تجي بنتو شوية قارصة بصح تهبل ريحتو
و هذا الحموم من إختصاص الوالدة تاعي ربي يطول في عمرها
جابت تشيشة تاع الشعير منزوعة من سميد الحامضة (الحامضة من بعد نقوللكم عليها)
شمخي التشيشة بالماء و خليها تريح شوية
[IMG]https://disk07.arb-up.com/i/00113/muhi0gytvnhv_t.jpg[/IMG]
من بعد إفتليها بيدك مليح كيما الطعام اللي درتو كل مرة شمخي يدك برك مترفديش الماء و فتلي
[IMG]URL=https://arb-up.com/r7izm2s82mgw]https://disk07.arb-up.com/i/00113/r7izm2s82mgw_t.jpg[/URL[/IMG]
إفتلي مليح حتى تصيبيها ثقيلة تحت يدك من بعد ديري سميد الحموم و فتلي
[IMG]https://disk07.arb-up.com/i/00113/ast5psmy0nkh_t.jpg[/IMG]
تبداي ديري الماء و تفتلي و تزيدي تنشفي بالسميد حتى تشوفي الطعام طلع ثم سيريه
[IMG]https://disk03.arb-up.com/i/00113/li5ig3v3ubm0_t.jpg[/IMG]
هذا هو الطعام اللي حكمو السيار
[IMG]https://disk07.arb-up.com/i/00113/o0dtxf32jrp5_t.jpg[/IMG]
و هذي الفتلة تاعو
[IMG][URL=https://arb-up.com/7ovg8wkzlo8r]https://disk04.arb-up.com/i/00113/7ovg8wkzlo8r_t.jpg[/URL[/IMG]
و تزيدي تكملي مرة بالماء مرة بالسميد و تسيري حتى يكثر طعامك
من بعد فوريه و عاوديه بالماء غير شوية قد اللي تزربعيه من بعد عاودي فوريه و ديريلو الملح
هذي التفوارة الأولى
[IMG]https://disk03.arb-up.com/i/00113/39md2b6cjf1p_t.jpg[/IMG]
و هذي التفوارة الثانية بالملح
[IMG]https://disk03.arb-up.com/i/00113/865qdni9xzac_t.jpg[/IMG]
و التالية تفوريه باش ديريلو الزبدة و تاكليه
حنا نديروه بالحليب و البصل مقطع ولا باللبن
هنا راهو مسقي بالحليب و البصل
[IMG]https://disk06.arb-up.com/i/00113/u4n729u1blhe_t.jpg[/IMG]
هذا هو الحموم نشالله يعجبكم
متنساوش بدعوة من القلب لميمتي و نشالله ربي يطول في عمرها و تشوف قاع أحفادها
https://store2.up-00.com/Mar12/Jyu80920.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هذا الطعام مصنوع من الشعير كاين اللي يحفرلو فالأرض حفرة غامقة بزاف و يغمو مليح و يخليه
الشتا اللي طيح تدخل فيه و يتشمخ مليح حتى تصيبيه كلي خسر و ريحتو تكون قارصة إنحوه و يغسلوه و يبسوه و يرحيوه ثم يسيروه
و هاذاك السميد يفتلوه
و ضوكا الكثرة راهم يديروه في بتاتا كيما تاع المازوت الكبار ولا بيدون تاع الصبيغة الكبير و يخلوه مدة و الباقي كيف كيف
و التشيشة تاع الحامضة اللي قلت عليها ثان مخدومة مالشعير يرحو الشعير و يخدموه (التسيار و التغربيل....) تتنح منو ثان التشيشة و السميد حرش
هاذاك السميد يخبزوه كسرة تتسمى الحامضة تجي رقيقة كيما القليط (الرخسيس) و طيب فالطاجين تاع الطين و ياكلوها باللبن ولا الحريرة تجي تشهي
كي يكتب ربي نوريلكم طريقتها
__________________________________________________ __________
>>>> الرد الثاني :
بارك الله فيك يا الفحلة راكي جايبتها 10 على 10
حنا تاني نديروه كيما هاك بصح نحكموه في الاخير بالفرينة
وانا فتلتو و فتلت طعام القمح كنت رايحة ندير موضوع
في الصفحة نتاع الاخت nadiem ومنين صورت محاولي
لولاد التصاور و راح تعبي و درت تاني الخبزة نتاع الزرع
تجي هايلة
مشكووووووورة على الموضوع القيم
__________________________________________________ __________
>>>> الرد الثالث :
الله يبارك عليك يالعزيزة شاطرة و الله شاطرة خموس عليك ماشاء الله ربي يخليلك هذيك العوينة الزينة و يطولك في عمر الوالدة العزيزة
__________________________________________________ __________
>>>> الرد الرابع :
بارك الله فيك اختي كي شفت العنوان ستغربت قلت شكون لي راه يدير الحموم ضرك والله حسبتو اختفى من الوجود كان ابي يجيبهونا من الجبل نتاع المطمورة كيما نقلولو
اي دايرينو تحت الارض والله ريحتو مازالت في نيفي ريحة تشهي وسمعت كيما قلتي راهم ضرك يديروه في البتيات اكيد مايجيش كيما نتاع* المطمورة *ونضن انو مضر بصحة لانو راح يتفاعل مع الصدء نتاع الحديد كانت امي تعملو بتفس طريقتك تقريبا وكنا ناكلوه بلحليب
يعطيك الصحة اختي وربي يطول في عمر الوالدة
__________________________________________________ __________
>>>> الرد الخامس :
يعطيك الصحة احنا انسموه طعام الشعير وعندنا طعام الحشايش لون اخضر مخصص لنفساء وكل النساء اللواتي يعانين من البرد
