عنوان الموضوع : الهمبرغر طبق جزائري
مقدم من طرف منتديات العندليب
الهمبرغر
هذا عشايا البارح درتو تطبيقااا لاحد العضوات بصح نسيت اسمها
العجينة
فرنة وخميرة وماء في كاس ..لازم تكون سائلة ونخلوها تخمر
ومن جهة اخرى..نديرو كيلو فرينة ومغرفة كبيرة خميرة الخبز.ونص كاس زيت وملح وماء..وبعد نصبو الكاس الي درنا فيه الفرينة والخميرة السائلة في الخليط
ونقومو بعجنها..ونخلوها تخمر..لنصف ساعة.........
نعاودو نعجنوها بزبدة...ثم نكوروها على شكل خبز همبرغر...وندهنوها بالماء ونذرو عليها الجلجلانية..ونخلوها تخمر
ونديروها في الفرن حتى تاخذ الشكل الذهبي
الحشو
صوص طماطم + بطاطا مقلية +زيتون اخضر واسود مقطع+بصل مقطع شرائح +لحم مفروم + طماطم مقطعة شرائح +مايوناز
وكل واحد واش يحب يدير الحشو على ذوق تاعو
بعد نحلو خبز الهمبرغر على 2 ..جهة ندهنوها بصوص طماط وجهن ندهنوها بالمايوناز...وبعد نزيدولها الحشو على حسب الرغبة
شهية طيبة
https://www.lamst-a.net/upfiles/FbH76375.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مصورتيهش؟ و لا انا مخرجتليش الصورة؟
هاذي ماشي وصفة الاخت مقدسية؟
و شكرا لكي
__________________________________________________ __________
>>>> الرد الثاني :
المشاركة الأصلية كتبت بواسطة pinkswift https://3andlib.xplainer.net/images/...s/viewpost.gif
مصورتيهش؟ و لا انا مخرجتليش الصورة؟
هاذي ماشي وصفة الاخت مقدسية؟
و شكرا لكي
اختي صورتهاااا...بصح ما فهمتش علاه ما حبتش تتحمل...راني لضرك وانا نستنى فيها..----يتم الان التحميل فضلا انتظر...---
هانا نستناو اذا صلحت ضرك ندرج ليكم الصورة كيفاه خرجتلي
نسيت تاع شكون الوصفة هذي....المهم هي عضوة معانا
__________________________________________________ __________
>>>> الرد الثالث :
راني نستنى معاااك
و الله منهار نعتولي طريقة تحميل الصور عن طريق الفيسبوك تهنيت من مشكل التحميل
__________________________________________________ __________
>>>> الرد الرابع :
المشاركة الأصلية كتبت بواسطة pinkswift https://3andlib.xplainer.net/images/...s/viewpost.gif
راني نستنى معاااك
و الله منهار نعتولي طريقة تحميل الصور عن طريق الفيسبوك تهنيت من مشكل التحميل
عرفت طريقة تحميل الصور من الاخت sarah من خلال الموقع المجانيwww.up1up2.com والتحميل ساهل من خلالو...بصح ما فهمتش علاه صورة الهمبرغر........؟؟؟؟؟؟؟؟؟؟
__________________________________________________ __________
>>>> الرد الخامس :
خلاه...............اخيييييييراااااااا ..هي صورة الهمبرغر تفضلت ودخلت للمنتدى كالعروسة
بلاكم تهدرو ولا......هذا الهمبرغر تااااااااااااااااااعي..............هههههههههه
