الخبز بطريقة مختلفة و سهلة جدا طبق جزائري
عنوان الموضوع : الخبز بطريقة مختلفة و سهلة جدا طبق جزائري
مقدم من طرف منتديات العندليب
السلام عليكم و رحمة الله و بركاته صح رمضانكم و تقبل الله منا و منكم صالح الأعمال
اليوم حبيتكم تشاركوني في هذا النوع من الخبز لي نحبو بزاف أنا و أفراد العائلة و نحضرو بكثرة في رمضان لكن مع الأسف ما عنديش كاميرا لذا ساشرح كتابيا فقط و نتمنى يعجبكم و تجربوه
المقادير:
فرينة و تكون نوعية جيدة
قليل من الملح (عينكم ميزانكم
ماء دافىء
خميرة الخبز
الطريقة
نخلط الفرينة ، الخميرة و الملح و نزيد الماء شيئا فشيئا حتى الحصول على عجينة لازم تكون العجينة قاسحة بزاف ندلكوها جيدا و نقصها إلى كرات صغيرة ٍٍقبل ما تخمر و ذلك باستعمال الفرينة نكثر الفرينة باش ما تلصقش ثم نقرصها جيدا جدا (لأنها سوف تختمر و يلا كانت ما شي مقرصة مليح غادي تجي غليظة بزاف و تنركها تختمر
و من بعد أي بعد حوالي ساعتين نخبزها في الفرن
ملاحظة : نستعمل الفرينة بكثرة كي نقرصها و نفرش قطعة قماش فوق طاولة و نضع الخبزات و لو ما تكونيش دايرة الفرينة بكثرة كي تخمر تلصق
نتمنى تجربوها و تعجبكم صح فطوركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكورة اختي بارك الله فيك
__________________________________________________ __________
>>>> الرد الثاني :
جزاك الله خيرا
ليس طريقة مختلفة هذا المطلوع المعروف
__________________________________________________ __________
>>>> الرد الثالث :
لالا أختي بلاك ما وضحتش هذا ماش المطلوع حنا عنا المطلوع ما يطيبش في الكوشة بصح هذا يطيب فب الكوشة و هذه الطريقة قديمة ناس زمان كانو يطيبوه في الفرينة " الفران لي يبنيوه بالتراب و يديرولو الحطب " و اليوم كي ما كانش الفرينة رانا نديروه في الكوشة أما خبز المطلوع حنا ما نديرولوش هكا
__________________________________________________ __________
>>>> الرد الرابع :
جَزإأآكِ الله خَيْرًإأ ‘
هذه الطّريقة نسمِّيهَـآ [ الكسرة تاع الكوشة ]
أمّـإأآ المَطْلُووعْ فَيَكون بنفس المَقَـآدير لكن نستعملْ نصف الكمية فرينة والنّصف الآخر سميد ، ويطبخ فوق الطّـآوة أو الطّآجين.
__________________________________________________ __________
>>>> الرد الخامس :
المشاركة الأصلية كتبت بواسطة تفـღـآؤل ツ وردٍ✿ https://3andlib.xplainer.net/images/...s/viewpost.gif
جَزإأآكِ الله خَيْرًإأ ‘
هذه الطّريقة نسمِّيهَـآ [ الكسرة تاع الكوشة ]
أمّـإأآ المَطْلُووعْ فَيَكون بنفس المَقَـآدير لكن نستعملْ نصف الكمية فرينة والنّصف الآخر سميد ، ويطبخ فوق الطّـآوة أو الطّآجين.
|
مشكورة أختي على التوضيح كيما قلت أختي حنا تاني نستعملو السميد في خبز المطلوع أما خبز الكوشة جامي نستعملو فيه السميد و تاني خبز المطلوع يكون شوية جاري في العجين أما خبز الكوشة بأنواعه يكون شوية قاسح بالنسبة للمطلوع حنا هادو القوانين لي صبناهم من ناس زمان و لي عندها طرق أو أسرار أخرى في تحضير الخبز تفيدنا و صح فطوركم
