دنجال في الفور من مطبخي من مطبخي
عنوان الموضوع : دنجال في الفور من مطبخي من مطبخي
مقدم من طرف منتديات العندليب
مساء الخير عليكم جميعا
و جمعة مباركة
هذي اول مرة نحط وصفة من مطبخي اتمنى انها تعجبكم و تجربوها والله الي ما يحبش الدنجال رايح يحبو https://3andlib.xplainer.net/images/smilies/19.gif
1/ الدنجال حطيه في ماء سخون مدة 3 دقائق و من بعد اقسميه على 2 بالطول و خويهم بملعقة صغيرة اي تنحي اللب و تتركي القشرة
كيما في الصورة
https://www.upgulf.com/up-jpg/6fy64747.jpg
حبة بصلة مقطعة رقيقة + شوية زيت +لحم مرحي و اقليهم
و لب الدنجال قطعيه رقيق و ضيفيه للبصلة و الزيت
ضيفيلهم حبة طماطيش مقطعة رقيقة + ملح و فلفل اكحل حتى تحسي انو الدنجال طاب
يمكن اضافة شوية روز ( انا هنا زدت الروز )
https://www.upgulf.com/up-jpg/wrw64747.jpg
هنا انا درتو كيما راه و حشيت بيه حبات الدجال و زدت عليه من فوق فرماج رابي و دخلتو الفور و هذا هو بعد الطياب
https://www.upgulf.com/up-jpg/x1o64747.jpg
https://www.upgulf.com/up-jpg/pxi64747.jpg
و اذا تحبي زيدي للخليط قبل ما تحشي بيه الدنجال حبة بيض و فرماج رابي و صفيهم في المول
و جيبي حبية بيض مضربة + حبة طماطيش مررحية و حطي على وجه كل حبة دنجال شوية
تقدميها مع الروز و السلطة
اتمنى انو شرحي واضح و مفهوم
بصحتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة نموت على البيضنجال
ربي يخليك اختي
__________________________________________________ __________
>>>> الرد الثاني :
بصحتك حنونة انا نحبو غير بهذي الطريقة ههههههه
__________________________________________________ __________
>>>> الرد الثالث :
وااااااااااااااااااااااععععععععععععععععhttps://www.djelfa.info/vb/images/icons/456ty.gif انا نعشق الدنجال حرااااااااااااااااااااام علييييييييييييك راكي قتلتيني ضرك نروح نطيبو شهيتيني كون غرضي نعيش غير بيه نضل نبدع فيه......راني بالاك نروح لخالتي اليوم في الليل.....يعطيك الصحة تاكلوه بالصحة و العافية.............راني نستنى في الوصفات القادمة.
__________________________________________________ __________
>>>> الرد الرابع :
وش بيك يا طفلة ارواحي عندي و تكاليه غدا و عشا حتى تكرهيه هههههههه
و طريقتي هذي تعرفيها ولا اول مرة تتعرفي عليها؟
مناوجاي نحط غير الدنجال ما دمتي تحبيه حنونتي
__________________________________________________ __________
>>>> الرد الخامس :
طريقة جديدة علي يعطيك الصحة وتسلم الايادي
