غراتان كرمب لدييييييد .... المطبخ الجزائري
عنوان الموضوع : غراتان كرمب لدييييييد .... المطبخ الجزائري
مقدم من طرف منتديات العندليب
السلام عليكم ورحمة الله وبركاته اخواتي
عندي مدة وانا غايبة على المنتدى توحشتكم بزااف راكم لاباس ان شاء الله
اليوم حبيت نطلع هاد الكرمب لي حنا في دارنا نحبوه بزااف نتمنى نتوما ثاني يعجبكم وتجربوه خاصة للي مايحبوهش
الطريقة سهلة جدا
نغليو اوراق الكرمب مع ورقة رند ونصفيوه ثم نبسطو كل ورقة بالحلالة هكدا باش الورقة تتبسط ويتبسط الجزء الخشين لي في الاسفل====ههه هادي ماعرفتش نشرحها نظن راكم فاهمين كيفاه ههه====
المهم..ثم نحضر الحشوة حنا ساعات نديرو جاج وساعات لحو مرحي وهاد المرة درنا كفتة +روز+بهارات+دبشة ومعدنوس+ فرماج =نحشيو كل ورقة بشوية حشو ونروليوهاكينتمو نديرو كل وحدة في بيض ثم شابلير ونقليوهم ثم نستفوهم في طبق الفرن ونصبو فوقهم مرقة بيضة او ساعات كي نكونو مستعجلين نديرو واجد جومبو في شوية ماء ونصبوه بدل المرقة
ثم الى الفور حتى تنشف ويقدم
هههههه انا كي قليتهم كنت نتفرج عين من وعين منهيه حمارولي بزاف نتوما من الاحسن ماتحمروهمش كيما انا
..............سلااااااام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://www.x55a.com/images/18eigo9accft2669vx4x.jpg
https://www.x55a.com/images/idwb20ctetugcouiztob.jpg
جاك مليح نفس طريقتنا مع اضافة الحمص في المرقة يعطيها بنة اخرى وتسلم ايديكي
__________________________________________________ __________
>>>> الرد الثاني :
روووووووووووعة
رووووووووووووووووووووووووووعة
وتشهي
تسلم الأيادي
__________________________________________________ __________
>>>> الرد الثالث :
https://store2.up-00.com/Jan12/KWT29222.gif
يسلمو إديك و ربي يدوم ضحكتك و الله عجبتيني
يهبل يهبل يهبل و الله خارج رووووووووووووووعة و باين بنييييييييييين
قاع اللي قلتها و مناكلوش بصح نقول عليها لأختي هي و أمي يموتو فيه
كي قليتيه و حمرتيه بزاف خرج شباب هاكا خير تجي فيه البنة
__________________________________________________ __________
>>>> الرد الرابع :
هايل لو كان ما حرقتيهش هههه
اللحم طايب والا لا
__________________________________________________ __________
>>>> الرد الخامس :
هايل لوكان خلتيه غير يصفار انا درتو لبارح صوصو بيضة بالحمص وربيت فوقو الفرماج في الفور عوديه هههههههههههههههههههه
