عنوان الموضوع : دولمة روز بالصوص تومات
مقدم من طرف منتديات العندليب
الكورات: حفنة روز+ 1 بيض+ 1 صفار بيض+ فرماج رابي
لافاغس: زيت زيتون+ بصلة صغيرة مقطعة+ لحم مرحي+ 2 مغارف طوماطيش كونسونتري+ كاس اتاي ماء+ زعيترة+ شويا معدنوس مقطع رقيق
للقلي: فرينة+ خبز يابس مرحي+ 2 بيض+ زيت للقلي.
الصوص : زيت زيتون + بصلة مفرومة + طوماطيش مرابية + ثوم مرابي + ملح + فلفل اسود + رشة سكر ناعم + معدنوس
الطريقة
غلي الروز فالماء و الملح حتى يطيب مليح
عجنيه بيديك مليح مع البيض و الفرماج المرابي و خليه يريح شويا
فيهاذ الوقت قلي البصل في الزيت مليح ، زيدي اللحم، الطوماطيش، الماء،الزعيترة، الفلفل و حركي حتى تنشف، زيدي المعدنوس و خليها تبرد.
شدي شويا من الروز و ديري في وسطو شويا لحم و كوريه .
رمديه فالفرينة، و اغطسيه في 2 بيضات مضربين و زيدي رمديه في لاشابلير
دخليه فالفريجيدار واحد الساعة (يليق يريح باش ماتنفتحلكش الحبة فالزيت)
وجدي لاصوص و كي توجد حطي فيها كروكات الروز ، خليهم يطيبوا 5 دقايق و طفي النار
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله الله سخفتيني راني جيعانة هههههههههه
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
هايلة شكرا اااااااااااااااااااااااجزيلااااااااااااااااااااااا اااااااا
__________________________________________________ __________
>>>> الرد الرابع :
بارك الله فيك
__________________________________________________ __________
>>>> الرد الخامس :
بارك الله فيك اختاه
