محتاجة ليكم ياريت تدخلو من مطبخي
عنوان الموضوع : محتاجة ليكم ياريت تدخلو من مطبخي
مقدم من طرف منتديات العندليب
صباح الخير حبيباتي كيف الحال انشاء الله راكم على خير صح عيدكم وكل عام وانتم بخير مع انو متاخر لكن معليش حبيت نشاوركم عزيزاتي في امر اني رايحة نعرض اختي و راجلها و امي وابي و اخي ونويت نديرلهم
_ سلاطة روز وزرودية وبيطراف وماييس و خيار اي سلاطة مشكلة من كلش
_ طاجين الزيتون بالكفتة
_ اصابع الدجاج بالمايونيز للاخت فايزة
_ بيتزا ام رامي
_ طاجين الحلو
_ طراف لحم في الكوكوطة او مفور
_ ديسار فاكية و قازوز
حبيتكم تقولولي اذا كان هذا Menu مليح ومتناسق ولكان كشمة عندكم اقتراح افيدوني بيه العرضة نهار الجمعة لكان سهل ربي مع العلم انو راجل اختي ميحبش االماكلة التقليدية كيما الشخشوخة و البربوشة و الشربة يحب الاشياء الجديدة ومشكورين مسبقا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
menu mlih tssa3fini madirich pizza
wlokan derti chorba wela hrira
__________________________________________________ __________
>>>> الرد الثاني :
كفيتي ووفيتي هكا راكي فور
موفقة
__________________________________________________ __________
>>>> الرد الثالث :
مليح واش رايحة تديري واشنو برك البيزا جابلي ربي تجي كثر مع الشوربة والبويون
وشوفي انت كيفاش راكي حابة هذا مجرد راي
موفقة
__________________________________________________ __________
>>>> الرد الرابع :
السلام عليكم
حبيت نقترح عليك شوي إذا ممكن
بالنسبة للأطباق هايلين لكن مجرد اقتراح برك
لو تعوضي أصابع الدجاج بالشربة يكون أحسن لأنو الشربة مع الأول أحسن
والبيتزا ديري في بلاصتها مقبلات نتاع عجينة 10 دقائق واحشيهم بالشيء اللي عندك
يجو يهبلو مع الشربة
لأنو البيتزا راح تديلك الوقت بزاف ومتلحقيش روحك
وربي يسهلك ان شاء الله
__________________________________________________ __________
>>>> الرد الخامس :
اختي ربي وفقك بصح البيتزا جاتني زايدة نفضل ديري خبز دياري والفاكية ديريها سلاط فروي وخلطيها بليأورت مع قليل من ماء الزهر ونشاء الله الف صحة وعافية
