كفتة بالباطاطا خفيفة و بنينة طبق جزائري
عنوان الموضوع : كفتة بالباطاطا خفيفة و بنينة طبق جزائري
مقدم من طرف منتديات العندليب
https://3andlib.xplainer.net/images/smilies/dj_17.gif https://3andlib.xplainer.net/images/smilies/dj_17.gif بسسسسسسسسسسسسسسسسم الله الرحمان الرحححححححححححححيم
صباح الخير اخواتي العزيزات جبتلكم اليوم طبق هايل تاع صيف و تقدري ثاني ديريه في شهر رمضان الكريم تفضلو اخواتي
جيبي كمية من اللحم المرحي و ترابي عليه حبات بطاطا نية ثم تداويهم (كسبر فلفل اكحل فلفل احمر حلو و حار ملح حبة صغيرة طماطم مرابية 2 سنات ثوم حبة بصلة صغيرة دبشة و معدنوس شويةبزيادة) خلطيهم مليح مع الدواوات ثم ديري بيضة و كوريهم ثم اقليهم على نار هادية باش تطيب البطاطا من جهة اخرى تكوني طيبتي مرقة بيضة كي تتقلى الكفتة ستفيها في بلا نتاع الفور و فرغي عليها المرقة ثم رابي الفرماج من فوق و حطيها 20د تقريبا و تقدم دافية و شهية طيبة للجميع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فكرة هايلة، و الله غير نجربها حتى أنا و ندير معاها الكسرة، يعطيك الصحة و العافية
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
مشكووووووووورة اختي على الوصفة
__________________________________________________ __________
>>>> الرد الرابع :
شكرا اخواتي جربوها و الله ما تندموا
__________________________________________________ __________
>>>> الرد الخامس :
يعطيك الصحة
