جلبان مقلي من مطبخي

عنوان الموضوع : جلبان مقلي من مطبخي
مقدم من طرف منتديات العندليب

كيراكم عزيزياتي نتمنى تكونو ملاح اليوم بغيت نقولكم على الجلبان كرهنا من المرقة نبدلو شويا انا الجلبان نبغيه مقلي كتر من مرقة غتدي نقولكم كي نديره نفور الجلبان و نخليه على جنب و نقطع البصل انا نكتر فيه البصل يجي حلو و البصل مانحمرهش بزاف ندبله غاية مين نقلو البصل نزيدوله الحلبان و نقلبو مليييح باه بنة البصل تدخل في الجلبان و التوابل انا ندير الملح و الفلفل اكحل و الكمون و نقلو المكونات مين ينقو نضربو بيضات و ندروهم فوق الجلبان و نخلطو حتى يطيب البيض و صدقوني تجى بنينة جربوها و ردولي الخر تهلو في رواحكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عندك الحق كرهنا من المراقي هذه باين طبق مليح لازم نجربوه

__________________________________________________ __________

>>>> الرد الثاني :

طبق بينيين انا ديما نديرها و نضيف علييها نرابي الطماطم و نقلييها مع البصل تعطي بنة هايلة
يعطييك الصحة

__________________________________________________ __________

>>>> الرد الثالث :

يعطيك الصحة فعلا بنينة

__________________________________________________ __________

>>>> الرد الرابع :

https://www.lakii.com/vb/smile/32_202.gif

__________________________________________________ __________

>>>> الرد الخامس :

بلاش علينا المرقة وليوم الصيف باينتو طبق يشهي ان شاء الله نجربو اختي ونردلك الخبر هههه