مساعدة في الشوربة البيضاء طريقة جزائرية

عنوان الموضوع : مساعدة في الشوربة البيضاء طريقة جزائرية
مقدم من طرف منتديات العندليب

ارجو ان تساعدوني في الشربة البيضاء
من اللي تتقنها على اصول اصولها
فانا لا اتقنها جيدا
بالتفصيل الممل أرجوكم
مشكورين مسبقا
و الله لا يضيع أجر المحسنين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي اولا تقلي حبة بصل مع حبة بطاطا صغيرة و حبة
قرعة صغيرة طبعا مقطعين رقاق ومعاهم الجاج ,معاهم المعدنوس,ملح ,
فلفل اكحل ,قرفة و سكنجبير ,كي يتقلاو مليح مرقيهم بالماء كي تشوفيهم طابو ارميلهم الفداوش--vermicelle-و كي يطيب ارميلها العقدة و لي هي عبارة عن بياض بيضة مخلط مع شوية قارص و معدنوس.
هذه هي الطريقة اللي نعرفها و نديرها بزاف . إنشاء الله نكون نفعتك

__________________________________________________ __________

>>>> الرد الثاني :

والله انا تاني حبيت نتعلمها

شكككرا على الموضوع و نتمنى الاخوات ما يبخلوش علينا

__________________________________________________ __________

>>>> الرد الثالث :

مازالني نستنا فيكم
متبخلوش علينا
ياك ناس منتدى الجلفة معروفين بالكرم و العطاء
وييييييييييييييييييين راكم؟؟؟؟؟؟؟؟؟

__________________________________________________ __________

>>>> الرد الرابع :

السلام عليكم و رحمة الله تعالى و بركاته أنا طريقتي في الشربة البيضاء ندير شوية ماء يغلي في القدر مع الدجاج ويلا حبيتي اللحم ثم نقطع البصل و سنينات ثوم و شوية كرافس و نعناع و معدنوس و لحشيش و جريوات و بطاطا حبات صغار برك في الروبو نرحيهم مليح و نفرغ في القدر بعدما يكون غلا و نضيف الملح و الفلفل الأسود و نخلي المكونات تطبخ عادي ثم تضيفي الماء المغلى و لما يطيب الدجاج أو اللحم أرمي فلفلة حارة و أرمي الفارميسال و قطعي فيها خليط من المعدنوس و لحشيش و النعناع و عصريلها شوية قارص و بالصحة و الهناء
ملاحظة فقط علابالي الكثير من الناس يقليو قبل بصح أنا في الشربة و الكسكس نحب نستعمل هاذه الطريقة حتى تبقى الفائدة تاع اللحم في القدر و البنة تاني جربيها و إن شاء الله تعجبك

__________________________________________________ __________

>>>> الرد الخامس :

فى القدر 1بصل غابى مع اطرف الدجاج ومعدنس مقطع ملح وفلفل والحمص وتقلى كلش ودرى الماء الدفى ولم يطب الحمص الدجاج درى فغمسل ولم يطب فغمسل عقديها بسفر البيض ومعدنوس وعصرالقرس غلية وحدة اطفي النار

هذى شربة بيضاء على اصلها