عيش الصالحين ( بو مفور البسكري)
عنوان الموضوع : عيش الصالحين ( بو مفور البسكري)
مقدم من طرف منتديات العندليب
https://3andlib.xplainer.net/images/smilies/dj_17.gif
اليوم راح نديرلكم كيما يسموه ناس بسكرة عيش الصالحين أو بو مفور
* تفتلي عيش أو بربوشة خشينة هو رقيق على العيش
* فوري قدر كيلو أو كيلو و نصف كيما البربوشة 2 مرات أو 3 حتان يرطاب
* وجدي البرمة: نصف ربطة بصلة خضرة مقطعة شوي خشينة مع 2 حبات بصل مدورة مقطة كالأخرى
* ذبليهم في الزيت مع رأس ثوم مهرس و ملح و نصف مغرف أكل شحمة ذايبة
* ضيفي فلفل حار مهرس و نصف ملعقة أكل راس الحانوت و مثلها فلفل أحمر اللي يحب الحار يدير الحار 2 أو 3 حبات طماطم مرحيين و ملعقة و نصف أكل طماطم مصبرة
* يغلي كل شيء مع بعض لكن مايطولش في الغليان(10 دقائق أو 15) و إذا جاك خاثر بزاف زيدي نصف كاس ماء و ضيفي ربطة دبشة مقطعة
( اللي يحب يجيه حامض و بنين يزيد الفرماس (الهرماس) تغليه و ترحيه و تضيفيه مع الطماطم)
( و اللي يحب الكرنب يقطعو طراف صغار و يغليه في الماء و الملح و صفيه و لوحيه مع باقي الخليط يطيب معاه راهو يجي هاااااااااايل)
* أطفي النار و حطي بومفور في قصعة نتاع عود و أفرغي عليه الخليط و خلطيه ملييييييييح و كولي بصحتك
كي نطيبو نحطلكم التصاور
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة على الوصفة باينة بنينة خاصة في هاد البرد تسلمي
https://upload.arabia4serv.com/image...pco0o9i5h1.jpg
__________________________________________________ __________
>>>> الرد الثاني :
السلام عليكم و رحمة الله و بركاته أنا نحب هاد الأكلة بزاف و كل ما ديرها جداتي نكل حتى يجيني الرقاد هههههههههههه لاخاطر ماما بسكرية بصح لكرمب مايديروهش ؟؟؟؟؟؟
بالاك انت جربتيه بلكرنب و عجبك أما أنا كليتو بلا لكرنب و بنين هايل يعطيك الصحا على الوصفة و كي طيبيه حطينا الصور مشكورة أختي على الموضوعhttps://3andlib.xplainer.net/images/smilies/19.gif
__________________________________________________ __________
>>>> الرد الثالث :
والله طبق بنين بزاف جربوه ماكمش رايحين تندمو عليه مشكورات اخواتي علىhttps://3andlib.xplainer.net/images/smilies/mh31.gif زيارتكم صفحتي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
merciii ma soeur
