جوزي يا أُخَــــــيَـــــة علاجالك طيبت ارنوبة مشوية ارنوبة مشوية طريقة جزائرية

عنوان الموضوع : جوزي يا أُخَــــــيَـــــة علاجالك طيبت ارنوبة مشوية ارنوبة مشوية طريقة جزائرية
مقدم من طرف منتديات العندليب

السلام عليكم و رحمة الله تعالى و بركاته
خُـياتي لحبابات حراير المنتدى وش راكم وش حالكم نتمنى انكم تكونو كامل بخير
بعد ما عجبكم الطبق البسكري التقليدي و زيد ربي يبارك فيكم ما بخلتونيش بالتشجيع راني قلت نحطلكم طبق تقليدي و لكن بتعديلات صغيرة

https://im33.gulfup.com/UVVS2.jpg

و ما يميز هاد الطبق انه خفيف على الأكلة الي سبقت
ياله نشمرو على يدينا و نقولو بسم الله
شوفو وش شراولي اليوم


https://im33.gulfup.com/vOwp1.jpg

يا ربي يا ربي وشحال زينة و حلوة و ......................... امممممممممممممممممممم بنينة https://3andlib.xplainer.net/images/smilies/3.gif

و تالمون الأفكار الشريرة الي في مخي ماحبتش تخطيني شوفو وش درت

https://im33.gulfup.com/h54J3.jpg

و زدت وجدت حشوة بالضبط تشبه لكويرات الخضر لأم رامي زدت عليهم شوية روز برك


https://im33.gulfup.com/3iuC4.jpg

و حشيتها و فرميتها باعواد الكوردون و لحتها في الكوكوت مع زوج بصل مقطعين خشان و عود كرافس و دبشة "قسبر" و معدنوش و سنينتين ثوم و ملح و خليتها تقريبا ساعة الا ربع
و لما خرجتها درتلها درسة بالطماطم و الثوم و الفلفل الأحمر الحار و شوية توابل و لحتها في الفور تتحمر
اما مرقتها فصفيتها و طيبت بيها روز بالشعرية

و هو يجي بكمشة فارميسال تقليها في شوية زبدة جهد ما تحمار و بعدين امرقيها بكيلتين ما "انا درتلها مرقة الأرنوبة" و لوحيلها كيلة روز و نقصي النار عليها تماما تقريبا ربع ساعة طيب و تلقايها عملت ثقوب و الروز طاب طريقة بنييييييييييينة و ساهلة و يقعد الروز حبة بحبة

هاداك هو تحمرت الأرنوبة و شوفو النتيجة

https://im33.gulfup.com/MMhs7.jpg

و هادي شوية سلاطة كعادة الجزائريين

https://im33.gulfup.com/rwRG5.jpg


و شكون الي جات و زارتنا ليها هاد الطبق

https://im33.gulfup.com/WnIU6.jpg

هاه بربي قولولي خياتي مش هك خيرلها و خيرلي https://3andlib.xplainer.net/images/smilies/1.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممممممم حرام عليك شهيتيني في هد الوقت
بصحتكم

__________________________________________________ __________

>>>> الرد الثاني :

الله يسلمك
اهلا اهلا بمشرفتنا الفاضلة شرفتيني بردك الجميل

__________________________________________________ __________

>>>> الرد الثالث :

عجبتني حكاية الارنوبة
يسلموووو عشا هااايل بصحتكم عندو الزهر شيخك هههه

__________________________________________________ __________

>>>> الرد الرابع :

جوعتيني. ماشاء الله وطريقة تقديمك ممتازة وقد دعوت لك جزاك الله خيرا. في البداية قريت الكلمة الاولى وفهمتها انه زوجك ابو العيال هو من طبخ الطعام وقلت هذه محظوظة هههه ولكن طلعتي انت الفحلة

__________________________________________________ __________

>>>> الرد الخامس :

المشاركة الأصلية كتبت بواسطة it's me https://3andlib.xplainer.net/images/...s/viewpost.gif عجبتني حكاية الارنوبة يسلموووو عشا هااايل بصحتكم عندو الزهر شيخك هههه

الله يسلمك حبيبتي
بصح حبيت نقولك مش ليوم درتها راهي عندها مدة غير اليوم وين تم الإفراج عليها هيهيهيهيهيهيه
عشانا اليوم تلقايه غدوة ان شاء الله في التطبيقات

المشاركة الأصلية كتبت بواسطة اللهم صلي على محمد https://3andlib.xplainer.net/images/...s/viewpost.gif جوعتيني. ماشاء الله وطريقة تقديمك ممتازة وقد دعوت لك جزاك الله خيرا. في البداية قريت الكلمة الاولى وفهمتها انه زوجك ابو العيال هو من طبخ الطعام وقلت هذه محظوظة هههه ولكن طلعتي انت الفحلة

الف صلاة و سلام عليك يا حبيب الله محمد

ربي يتقبل منك اختي و بارك الله فيك على الدعاء و على الرد الجميل و الرائع
بالنسبة لرب الأسرة فبكل صراحة و بدون فخر و بكل تواضع هو من غير 2 بيضات مايقدر يدير والو من بعدها حتى كون تزودي 3 بيضات يحصل هيهيهيهيهيهيهيه

حبيت نهنيك على اسمك رااااااائع و راح تربحي منه اجر كبير ماشاء الله عليك تعرفي تلمي الحسنات