غراتان الكرم سريع ولذيذ من مطبخي طبق جزائري
عنوان الموضوع : غراتان الكرم سريع ولذيذ من مطبخي طبق جزائري
مقدم من طرف منتديات العندليب
السلام عليكن حبيباتي
اليوم جبتلكن طبق خفيف بالكرم
اولا حضري الصلصة تاعك بصدر تاع الدجاج وشوية بصل مقطع رقيق مع الفلفل الاسود والملح والقرفة المطحونة
كي يقرب يطيب الصدر
-اغسلي حبة الكرم بالماء والخل وقطعيها طوليا وارميها في هاذيك المرقة تذبال شوية او تطيب نص طياب
-صفي المرق واللي يبقى الفوق حطيه في صحن عميق يعني الكرم والبصل الطايب مع الصدر اللي لازم تفتفتيه
اللي تحب ذوق البصل كيما انا تزيد نص حبة مقطعة رقيق واللي ماتحبوش تقدر تستغنى عليه
-ضيفي 4 بيضات وشوية فؤرماج من اي نوع +مقدار لوش تاع كرام فراش سائلة واللي ماعندهاش تدير شوية مرق ..خلطي مليح وديري فالمول تاع الفور والى الفرن بعد ما تديري فوقو فرماج رابي
انا ماكانش عندي بزاف ..درت واش عندي برك
لكن كل ما كثرتي الفرماج يجي الذ واطيبhttps://3andlib.xplainer.net/images/smilies/19.gif
اسمحولي ماصوتش كامل المراحل ..صورتها وهي واجدة ..تفضلو
https://im31.gulfup.com/Etd41.jpg
https://im31.gulfup.com/qW0E4.jpg
https://im31.gulfup.com/Tf1Js.jpg
ان شاء الله يعجبكم الطيق
احلى تحية وسلام مني لكن https://3andlib.xplainer.net/images/smilies/mh31.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بصحتكم هايل تاكلوه بالهنا
__________________________________________________ __________
>>>> الرد الثاني :
bessahtkom hayel kadamtih mea la soce yak
__________________________________________________ __________
>>>> الرد الثالث :
Merciiiiiiiiiiiii biennnnnnn
__________________________________________________ __________
>>>> الرد الرابع :
يعطيك الصة مطرح مايسري يمري يعني بصحتكم
__________________________________________________ __________
>>>> الرد الخامس :
شكرا نفس طريقتي لكن انا اضيف البطاطا مكعبات
