عنوان الموضوع : سؤال اخر طبخ جزائري
مقدم من طرف منتديات العندليب
الى امهات :رامي و ماجد وباقي الحبوبين و الى حراير هذا المنتدى سؤال اخر و اعرف بلي كثرت الاسئلة الله غالب ما عنديش اشكون نسال بلا بيكم حتى امي ماتت الله يرحمها استحملوني شوية راني جديدة في الميدان بيناتنا برك نقولكم راني ما نحبش بزاف الكوزينة راني عندي واحد الميولات شوية بعيدة على الكوزينة بصح بناتي يحبوا اكلات من يد امهم وانا جامي ما نقولهم ما نعرفش لاني فعلا نعرف بزاف حوايج بصح ما نحبش ندخل للمطبخ و نطبق رغم ان كوزنتي تفتح النفس على الخدمة
لا علينا راني تعلمت بزاف حوايج من هذا المنتدى و الفضل ليكم يا لحراير ربي يخليكم باش تزيدو تفيدوا باقي المبتدئات راكم درتولي القلب واصلوا فقط المهم طولت و السؤال واشي هــــــــــــــــــــــــــــــــــو؟
https://3andlib.xplainer.net/images/smilies/redface.gif راني شريت فريتوز لانني فنيانة و سؤالي كم مرة نقلي بالزيت قبل ما نرميه لان الكمية لا باس بها و شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي أختي ، هذا يتوقف إذا كان قليتي في الزيت غير البطاطا ننصحك تستعملي زيت فلوريال راهو مايتحرقش ممكن تقلي بيه عدة مرات (هما في الإعلان يقولو 10 مرات ، بصح هوما طبعا يبالغو ) و لكن بالتجربة زيت فلوريال راهو ما يتحرقش ثم ثم .
ممكن تقلي بيه 5-6 مرات و شوفي راهو يبانلك محروق و لا نظيف
إذا كان قليتي فيه جريوات ، فلفل ، حوت ، راهو نتاع تطياش ههههه
__________________________________________________ __________
>>>> الرد الثاني :
المشاركة الأصلية كتبت بواسطة إلهام07 https://3andlib.xplainer.net/images/...s/viewpost.gif
شوفي أختي ، هذا يتوقف إذا كان قليتي في الزيت غير البطاطا ننصحك تستعملي زيت فلوريال راهو مايتحرقش ممكن تقلي بيه عدة مرات (هما في الإعلان يقولو 10 مرات ، بصح هوما طبعا يبالغو ) و لكن بالتجربة زيت فلوريال راهو ما يتحرقش ثم ثم .
ممكن تقلي بيه 5-6 مرات و شوفي راهو يبانلك محروق و لا نظيف
إذا كان قليتي فيه جريوات ، فلفل ، حوت ، راهو نتاع تطياش ههههه
شكرا على الرد
__________________________________________________ __________
>>>> الرد الثالث :
اعلاه ترميها اختي العزيزة ...انا ما نرميهاش و حاولي تطبخي بيها مباشرة بعد الاستعمال يعني تخبزي بيها ولا في المراقي راهي ما تبانش ريحتها وخاصة اذاكان اقليتي فيها غير الخضر واذا حاجة حلوة ممكن كي تخبزي برك .....بالتوفيق
__________________________________________________ __________
>>>> الرد الرابع :
حاولي تصفيه مليح وديريه فالخبز كيما رخساس ولا مطلوع
ولا طيبي بيه في عود تديري زيت جديد ديري هذاك يصلح جدا جدا
__________________________________________________ __________
>>>> الرد الخامس :
شكرا لكن اخواتي و الله ما كنت نعرف بلي ممكن نخبز بيه الكسرة انا نديرها تقريبا كل يوم لذلك زوجي يقولي واش انت الزيت تطيبي بيه و الا تسيقي بيه.ههههههههه شكرا على الردود حبيباتي
